آه يازمــــن ....
تاج القصيد وسيدة سيـد سيـده=وللجود أخيل ولي تهل السحايـب
مادام فكري ديم يمطـر قصيـده=مالي ومال اللي حروفـه نهايـب
ومادام شعري حر يركـد عبيـده=ماللغصايب غيـر رد الغصايـب
الله خلقني بالوصايـف وحيـده=والكل سمانـي ياباشـا عجايـب
بلـغ حميـده لا لفتهـا تفيـده=تردم حطبها قبل حـط النصايـب
ماهيب نـدي يومهـا مستقيـده=ولا ني بنـد لمثلهـا بالصعايـب
اللي جعلني كـل عسـر أجيـده=واهيب أنا اللي منه كم راح هايب
أنا الجنون اللي جنونـه مريـده=لاطق طبل الزار بنـت الهلايـب
أطلع على القمـات لـو بعيـده=وأركد ركابي علـى هالهضايـب
والشاعر اللي تو مافطـم ديـده=وش له يناطح ناطحات الهبايـب
كانـه بليـد لايحسبنـي بليـده=عليه أطـى لانتهـض بالعايـب
مادمت بنت اللي علومه حميـده=زيزوم ربعه في ليالـي النوايـب
اللي يزيد الطيب منـه ويزيـده=اللي يشير الشور وان شار صايب
هذاك أبوي العـود وأنـا أكيـده=بنت الشيوخ اللي تسمى عجايـب
وسلامتكم
مهره أتعبت عسافها
الشاعره
مخايلة الجود
08-12-2008, 10:20 PM
(( بنت الشيوخ اللي تسمى عجــــايب ))
العرض الشجري