ملحمة شــعراء هوازن تضامناّ مع غــــــزة

[ملحمة غزة]

السلام عليكم ورحمة الله وبركاته
ملحمة شــعراء هوازن تضامناّ مع غــــــزة
انها ملحمة للشعراء اثبتوا وجودهم ان الشعر هو منبر الادب ومصدر الحكمة

ملحمة تمت في وقت وجيز وفي ساعة تقريبااا وتعتبر اسرع ملحمة من شعرا متمكنين.

انهم شعراء هذا الصرح الشامخ الذي يجمع نخبة من عمالقة الشعر ولاادب


كانت لليلة مملؤة بالحماس والشوق الى نصرة اخواننا في فلسطين الحبيبه الذي لانملك الا الدعاء لهم بالنصر وكان هذه الملحمه هي اقل مانفعله لهم..

كانت فكرة الشاعر الكبير الاستاذ/ سعيد ابو ديه اثناء تواجد شعراء هوازن في صوتية هوازن وقد كانت البدايه له وقدابدوا شعراء هوازن مافي قلوبهم تجاه احداث فلسطين الاخيره واحدا تلو الاخر
وهم كما يلي على حسب ترتيب الاول بالاول في المشاركة / سعيد ابو ديه/مضواح بن شتوي/مهدي بن مسفر الحبابي/عبدالله المقاطي(ابو طارق)/عبدالله المهداني/ خالد البحيري/نايف بن دغام/عبدالعزيز بن نواف/علي بن عواش/عبدالله الصالح (ابو فهيد)/غازي المقاطي/ ابو عبد العزيز/صوت الذيب/معيض بن دشن/محمد الحبيني / محمد بن دشن الفهري / سعيد بن دشن الفهري / مرزوق الصواغ/محسن فالح الدوسري(مسري الشعار) كما ان شاعرات هوازن ابين الا المشاركة ومنهم /الثريا/عنود الغربيه وكذلك شعار كانو بنكات متخفيه وارجو من اللي سقط اسمه ابلاغي برساله خاصة وذكر اسمه وبييته لكي اضيفه مع شعراء الملحمةكما ان لازال المجال مفتوح لمن اراد من بقية شعراء هوازن المشاركة بشرط عدم تكرار البيت والسماح للجميع بالمشاركة.

فهنيئا لهوازن بهولاء العمالقة وهنيياً لهم بهوازن.

كما نحن نعتذر من بقية شعراء هوازن الغير متواجدين معنا لليلة البارح وهذا ليس ان هولاء هم شعراء هوازن فقط فليس هولاء الا جزء من كم هايل.

والشكر الخالص لصاحب الفكرة الشاعر الكبير سعيد بن مبارك ابو ديه فشكراا لك يابا عبدالهادي
كما انني افيدكم انه قد تم التنسيق مع احد المنشدين المعروفين ومع احد القنوات الفضائيه
لبثها عبر هذه القناة المنسق معها ان شاءالله وفي القريب العاجل

من هوازن دندن الصوت ياعيال العرب=ناصرو المظلوم والله يعز المسلمين

انتخت غزه وثورو لها ثورة غضب=وابشرو بالنصر والله يعين الصابرين

ابشرو بالعز والنصر قرب واقترب=والله اللي ينتقم من صنيع الضالمين

من بني صهيون لله لله العجب=كل مايبغون سوو وحنا ساكتين

نارهم يا الربع شبت وتاكلنا حطب=وحن على ذا الحال راضين من عدة سنين

مايصح العلم والو ضع في سلب ونهب=والجيوش امجيشه والاوادم ميتين

لو توحدنا وقلنا لهم تب وتب=واليسار يسار واهل اليمن مع اليمين

يوم دامي والدمااء واصله حد الركب=والعرب في كل شاشه تلد بنص عين

محَد ٍ فيها مفكر ولا فك النشب=اكثر العربان عن وضع غزه غافلين

لي متى واحنا على حالنا ويش السبب=اليهود تذلنا والعرب مستسلمين

لازم انا نعلن الحرب ويقوم الشبب=ثم نرجع يوم غزوة بدر والا حنين

ماحدن يسلم من الموّت لو يومه قرب=حااولو .. ف القدس يالله عسى القاسي يلين

والله انا دون مسرى النبي عند الطلب=ندعس ارقاب الكلاب اليهود المعتدين

ياعرب ماذا دهاكم ويشجب من شجب=يانموت بعز ولا لنا النصر المبين

لامتى وشعوبنا نخل ماينتج رطب=القيادة نايمه والعرب متحمسين

نصرت الاسلام لبو نداها لاوجب=و العرب تنخى وننخا رجال وافيين

كل ذيب يسمع الصوت من رجمه قنب=من يرد الصوت تكفون وين الطيبين

ياصلاح الدين راح الحسب واهل النسب=ليت تدري ويش حصل في بلادالرافدين

راس الافعى بوش واللي يحركها الذنب=خطتن من تحت راس اللعين ابن اللعين

ريس يحذف بجزمه ورئس منتخب=يحملون الغيض والحسد والحقد الدفين

كيف تبغونا نعامل يهودي بالادب=يوم بالدنياء مادون الحلوق الا اليدييّن

لو زعلتو فى محرم رضيتو في رجب=مايوقف للمهمات غير المخلصين

ياهوازن سجليها وفي هذا الشنب=والله ان ما ينتصر واحد مافيه دين

يا عيوني لا يهمك سواليف وخطب=لوعد قدام بالعز والخافي يبين

وش نبي في المال والعز كنز ماذهب=اظفروا تكفون تكفون باحدى الحسنيين

من يكيد لدين الاسلام يخسى ويعقب=حن حماة الدين ووالله على الكافر يعين

كل بيت وصط غزه من الجانى شرب=والموارد قطعتها سيوف االغايرين

العرب تؤمن بقول السكوت من الذهب=ويش باقي ما حصل يا هل الراي الثمين

شيئ يوخذ بالغصب مايجي الابالغصب=اسمعوها واكتبوها من العقل الذهين

احشدوا قواتكم والسرب تتبع سرب=ما نظريها على الذل وابقوا صامدين

كل من شاركّ .. مع الملحمه ولا كتب=الشعَور انعبره يالرجال الغانميين

لى متى ونعيش داءئم وحنا فى رعب= ياعربنا ويش بلاكم عليها نايمين
لا متى واحنا على قول حامظ ياعنب=كن مانسمع ونقراء رياض الصالحين

واليهودي طامع في حماه وفي حلب=ويش ذنب الورعّ .. لامات من بين اليديّن

ما يموت العز والعين يحميها الهدب=ياهل التوحيد والمجد حاضر واولين

الله اكبر كل مؤمن على الشوبه ضرب=مايخيب النا الرجا ياليهود الخائبين

يا بني صهيون جاء يوم سلات الحدب=دندن حميدان بالروس والقاسي يلين

جعل يمنا ماتشل الحجاره باالعطب=نرجم الكافر وتصبح علامه فاالجبين

في سبيل الحق حنا على حسب الطلب=الله اكبر والله اكبر وبالله نستعين

تكذب الاقوال والسيف ماعمره كذب=والحجارة وقعها مثل وقع المارتين

منهو اللي بالمعزه على المنبر خطب=وحث همات النشاما هل القلب الحزين

اوقدوها فوق صهيون نارٍ من لهب = وقفت تشفي الكبود وترد الطامعين

يازعامات التخاذل زعامات النكب = اجتمعتو بس في رايكم متخالفين

كم جبان كان جت شدة الموقف هرب = ويهلك شعبه وهو وحلفاه السالمين

المجازر كل يوم تتعب من حسب = غير شاتيلا وصبرا ولا ننسى جنين

يازعامات العروبه كليتواا كم مطب=والنصارا عندكم في مقام الوالدين
يازعامات المناصب وتقليدالرتب = لامتى وانتم على حالكم مستعمرين
سكرٍ حالي تجّمد مكانه في القصب=في كراسيكم وباقي القضايا دالهين
كم زعيم يوم جا الصدق في الموقف رسب = ماصمد غير النشاما هل الحبل المتين
والهوايل خلت اكثر دواهينا عزب=خاف ياتي له ولد لامدان ولامدين
عيشةٍ ماعزها الله عساها للذرب=موت ولاّ عيش عيشة الاسد راعي العرين
يالله المعبود يالله حلال الكرب = تنصر اللي باع نفسه ماقال الموت شين
كان حنا ما اتحدنا على مالله وهب=مااوصلنا لاهل غزه ولا اولى القبلتين
في نواصي الخيل خير وفي السيف الحدب=عزنا والمجد يبقا لنا في كل حين
جرحنا خمسين عام تلعثم واللتهب=كل يوم يدمي الجرح يمكن مرتين
والامر لأهل الأمر والله يحل الصعب=ننتظر تأشيرة الروس وإحنا طايعين

اليتيمه طوّل الحزن فيها والتعب = لامتى وقلوبكم لليتيمه ماتلين
مايفيد الشجب وانتو على لهو وطرب = وافهموها ياعساها تجي قلب فطين

من تجود في عرا الله يبشر بالشبب=والتهاون مشكله وذهنو ياغافلين

الجمال الجّرب تبطي وهي فيها جرب=والهيودي .. كل ليله يزيد الماء ب طين
الجمل للحمل والنوع الآخر للقرب = المواقف علمتنا وراعيها يبين

يا سلاطين العرب قالها قبلي عرب=امرونا وافتحوا الباب ونعيد السنين

بين تشجيع المزاين ولعب المنتخب=التهينا وانتهينا وحنا السابقين

منهو اللي يرفع الراس ويجيب اللقب=مايهمه فوز باراك والثاني كمين

الدفاع امر ضروري وحق مكتسب=وارضنا واعراضنا دونها سيف سنين

شرهة التاريخ ترجع على حفظ الكتب=ويأّسف الماضي على حاضر ٍ تبكيه عين

جعل يمنى اللي يحب االشجاعه ماتجّب=افرحوا ياصحابنا وازعلوا يا شامتين

كل ثغره دونها فارس ويسد نب=واليهود اقرود والله يعز السامعين


شجب وستنكار وحباط والصوت انشحب=والفخر في هيبة السيف والعلم اليقين

البلاء منا وفينا عميل منتدب=والسرائر بيحوها هل الحقد الدفين

اضعف الأيمان قلب يالاعبه المهب=ماتجمع شملنا والعداء متكاتفين

الشجاعه تحتضر غيض والنور انحجب=والعروبه في سبات عميق غارقين

صاحو اهل القدس والرد للصايح وجب=ونصرهم عهدن مضى والوفا بالعهد دين

رفرفي ياراية العز من فوق القبب=والقبب من تحتها الموت ياعبد المعين

من هوازن منبر المجد ديوان العرب=ملحمة شعار والله يعز المسلمين
شعراء هوازن

ملاحظة هامه

لازال المجال مفتوح لمن اراد من بقية الشعراء المشاركة

بشرط عدم تكرار القافيه وعلى نفس البحر والسماح للجميع بالمشاركة.

وسوف يتم اظافة بيته في المكان المناسب


نتمنى نشر الملحمة بجميع المنتديات
انشرها لك الاجر