انت عمـّك ما تحجّر بنته المخطوبه = وكان ما زوجـّك خالك ..مـّت وأنت عزوبي (هجائيّه) ..

[فــلاح]

السلام عليكم ورحمة الله وبركاته ..


أسعد الله أوقاتكم في كل مسااء ..

هذه قصيدة هجـــاء في احد المتطفليـن في شااطي الراحــه .. "

أترككم مع هذه المتوااضعه ..

لاتزيد الهرج ياللي هرجتك مقلوبه=خابرينك . وانت خابر يا أصفر العرقوبي
مثلك الخياط يبلـش ما يرقع ثوبه=ضايع ً لا هوب سوداني ولا هو نوبي
من خلقك الله ووقتك طاحنك دالوبه=حاسبينك بالعدد .. ولا أنت مش محسوبي
خل هرجك فالنظم وأفكاره الموهوبه=وكان جات الموهبه قلنا نعم موهوبي
لا تسؤلف بالفعول ودلتـّك مشروبه=مأنته لـ بعض السؤالف محدي ومغصوبي
غابش ً تبغى المنيحه والا هي محلوبه=ديسها من ليلة البارح وهو محلوبي
نعرف علومك ؟ وراع الطيب له ماجوبه=والردي ماله مع اهل الطيبّه ماجوبي
غير عرقاة ً ليا زاد الجرب فـ /جنوبه=وسمـّت في جمجمة رأسه يا لين يتوبي
ما خذينا من بعير المرجله عرقوبه=ماخذينا الا السنام .. وحقكم مسلوبي
لا تهوز الضلع ياللي ديرتك منكوبه=ثم تقول ذيابة الضلع الحمر ضحوّ بي
انت عمـّك ما تحجّر بنته المخطوبه=وكان ما زوجـّك خالك .. مـّت وأنت عزوبي
مات جدك ما ترك لك حاجة ً مرغوبه=ماترك غير الردى .. وحماره الأثيوبي
أنت خابرنا . ليا شب النذير شبوبه=نقلب اللي معتدل ونعدل المقلوبي
غلطتك هاذي أعتبرها ماهيب محسوبه=لا تكبرها برأسي .. تبتلش بأسلوبي .!

وسوالم