يأصحابنا يابين وجه التصنّاع..

[محمد بن عرار]

السلام عليكم ورحمة الله وبركاته..

اخوتي الاعزاء اضع بين ايديكم هذه المتواضعه وعسى انت ترتقي لرقيّ اذهانكم..

يا اصحابنا يابين وجه التصنّاع=وانا مداني شوف وجه الخديعه.
انا احمد الله يا وجيه التطبّاع=الطيب والمعروف فيني طبيعه.
من مد لي بالطيب شبرٍ خذا باع=وراع الجميله ما جحدنا صنيعه.
واللي لفعل الطيب ماهوب ينصاع=فالطيب في من يجهل الطيب ضيعه.
واللي لدرب الحق ماهوب تبّاع=لاهو تبيعٍ لي ولاني تبيعه.
واللي على فرقاي شفقٍ و ملتاع=بفارقه وفجوج ربي وسيعه.
انا على ماذقت من حر الاوجاع=صبراً على الوجعات لو هي وجيعه.
قال المثل وقتك ليا منه ما طاع=لا بد لك من يوم غصبٍ تطيعه.
وياهمي اللي قابعٍ خلف الاضلاع=علقتني بين الرجا والقطيعه.
وان هب للغربي على الجاش ذعذاع=سقت القدم من فوق راس الرفيعه.
فجٍ خلا مافيه للحي مرتاع=ما داج به غير السباع الجويعه.
وهجرت جوٍ ما تعاوا به سباع=وخليت جرو الضبع عند الضبيعه.
ودعيت لي من خيرة القوم بتاع=بيني وبينه فالمواقيف بيعه.
رفيقي اللي لا تغاويت الاسناع=يزمني من ماقعي للطليعه.
ويدرا علي من كلمة عند مذياع=مذياع هرجٍ ما سمع به يذيعه.
ولا من سرى في عتمة الليل ماضاع=واليا نوى هد الحصون المنيعه.

اخوكم/ محمد الشـــــامري.