السلام عليكم ورحمة الله وبركاته
اخواني اعضاء ومشرفين منتدى العجمان يسعدني ويشرفني ان انتمي الى هذا المنتدى
الرائع والاكثر من رائع وستكون اول مشاركتي بقصيده متواضعه ارجو انت تحوز على
رضاكم:
سلام يا المان العرب يالسلاطين=ياهل الكرم والطيب ذربين الافعال
افعالكم تذكر من سنين ومنين=هذا كلام الصدق والصدق ينقال
كسابة الناموس مبطي وذالحين=اهل القنا والسيف لاعال عيال
على ظهور الخيل مثل الشياطين=رجالهم يسوى ثمانين رجال
عدوهم يشكي من الجور والشين=مايهتني بالنوم ممسا ومقيال
واصحيبهم دايم على الراس والعين=يفخر بخوتهم ويمشي ويختال
قلته وانا من لابتن فالميادين=بيّن فعلها والمواقف للابطال
الاد ابن عارج كعام المعادين=خيرن على الصاحب وللضد سلال
لاثور البارود مثل المجانين=نارد حياض الموت رجلي وخيال
قلته وانا صادق وعندي براهين=ولاخير في هرجن اذا ماقصر طال
وصلاة ربي عد نبت البساتين=على النبي واعداد ماهل همال
وسلامتكم.
العرض الشجري