أحب أرافق كل من كان عجمي

[العرجاني نت]

السلام عليكم ورحمة الله وبركاته

أخواني واخواتي الاعزاء حبيت اشارك معكم وازف لكم هذه القصايد المتواضعه بينكم

هذي قصيده ارسلها لي اخو عزير ورفيق عمر الشاعر منذر بن حمد بن رشود الشكره الدوسري

يقول ابو حمد

أحب أرافق كل من كـان عجمـي=لجلك ياناصـر يارفيقـآ بخصتـه

بالمعضله والضيق والبيـن يمـي=يبيـن لآمـن بالمواقـف زهمتـه

ضلعـآ يذرينـي ولـو زاد همـي=يشيـل همـي ويتحمـل أثقلـتـه

معربآ مـن راس خـالآ وعمـي=من روسهم طبع المراجل ورثتـه

وقبيلتـك بيـن القبايـل أتهـمـي=عجمان لآ واسعد من هـم لحمتـه

أحبكـم والحـب يسـري بدمـي=ويشهد على مآقـول ربـآ عبدتـه

وأنت اللذي بالطيب والعرف سمي=كاس المراجل بالمراجـل شربتـه

أسمع ياناصر عقب مافـار دمـي=أسمع خلاصة ماكتبـت ونشرتـه

أن جاك مني مدح ماجـاك ذمـي=وأن جاك مني خير شري ماجبتـه

والله لـو ينطـق لسانـي وفمـي=بالشين بضروسي لسانـي قطعتـه

لاتطـاوع النمـام لآمنـه نـمـي=خلك سواتي يـوم جانـي حقرتـه

هذا جواب اللي على الوصل يرمي=الدوسـري حـلال حبـلآ عقدتـه

ولكن للأسف أنا كنت خارج الدوله وابلغني واحد من الربع بان ابو حمد سند علي قصيده فلم اكن اعرف موضوعها ولا حتى القاف فسألته عنها قال لم يحفظها فوجهة هذي القصيده لابو حمد وهو يستاهل اكثر

يقول ناصر واللذي مـن قبيلـه=قصيدتآ تزهـى بزيـن المثايـل

قصيدتآ مثـل المهـار الأصيلـه=تطمح لمن هم يكسبـون النفايـل

شرواك يامن قد نشى بالجزيلـه=يلـي تشـل الكايـده والثقايـل

ياقاطـع الفرجـه بليـا دليـلـه=يامقدي الشجعان وقت الصمايـل

أنت الوفا ساس النقا والفضيلـه=يمنـاً تنـدي بالعطـى والبذايـل

حتى الفخر والمرجلـه تنتميلـه=والطيب ويا الجود ويا الجزايـل

أبوحمد وأسعـد منهـو عميلـه=يشرب قرَاح ولا يذوق الحثايـل

من لابتاً تعرف بوقـت الدبيلـه=آلآد زايـد تشتهـر بالفعـايـل

كمِِِ ِ عقيـداً راح نفسـه غليلـه=من ضربهم بالمرهفات السلايـل

ويا بنت فزي وأنهضي وأطمحيله=وتزيني له بالذهـب والجدايـل

يفداه ولد اللآش راعي الهزيلـه=اللي دروبه بالـردى والفشايـل

وسلامتكم


وأنشاءالله ابو حمد عن قريب بيكون احد المنتمين معنا بهذا الصرح الشامخ

اخوكم العرجاني نت