بسم الله الرحمن الرحيم
السلام عليكم ورحمة الله وبركاته
اخي الحايف انا متابع لمواضيعك كامله واكن لك كل الاحترام ولكن في هالموضوع اخطأت
اسمحلي ابينلك خطأك اخي الكريم
ال مره نزل مرشحهم ويبون يستقلون وهذا حق من حقوقهم لايختلف عليه اثنين
لكن تربط السالفه بالمختاريه فهد الاحمد
صدقني لا عضو ولا وزير ولا رئيس مجلس وزراء كان بيده هالامر واعضائنا مالهم كلمه ولاحجه على الرجال
هذي منطقه عيال فهد الاحمد واهو اختار الحبيشي لانه رفيقه
بعدين المختاريه كان عازمي وطلعه احمد الفهد وحط الحبيشي
تدري متى تشره علينا ؟؟ لو كان فيها مري وانشطب وحط عجمي هذا معك حق لكن بما انه العازمي والرجال محسوب على احمد الفهد محد يقدر يشره عليه والرجال يحط اصابعه بعيون العالم اي نعم احمد الفهد خويي وعطاني المختاريه احد بيقوله لا ؟؟؟؟
بعدين تطرقت اخي الكريم الحايف الى موضوع اعضاء العجمان ماينفعون وانا بقولك كلمه
ضباط ال مره الكرام هل دخلو بنسبتهم العلميه ولا بالبنيه الجسمانيه ؟؟
كلنا نعرف انه مستحيل احد يدخل الضباط بدون واسطه اقلها عضو فلا تظلم من كان له طيب في اخوانك الضباط من ال مره
وبعدين انتم طلعتو مستقلين ورشحتو اخونا الرويلي ومحد قال شي بالعكس الله يوفقكم ويسدد خطاكم وحنا ندعيلكم بالخير
وهذي وانا اخوك انتخابات ماهي دايم مايدوم غير وجهه سبحانه بس انت خليها كأنها حرب بين العجمان وال مره
والحين يالحايف اتمنى نبتعد عن المشاحنات تبون تنزلون مرشح اثنين ثلاثه هذا حق اصيل مطلق لكم محد له شغل فيكم
بس صدقني اخي الكريم بكره اذا جاء مري عند احد الاعضاء ورده لاتلومنه ياخوي بيقول انا ماشميت الصوت منكم شلون تبيني اساعدك ؟؟ والله لا يحدكم على احد انشالله بس انا اقولك بالعقل مثل ما انت تبيها بالحق هذي بعد بالحق
انت تشطرت بروحك ورحت لحالك ولا رديت علي وبالاخير تبيني انفعك ؟؟ هل يعقل هالكلام ؟
في الاخير اتمنى من كل قلبي لك شخصيا وال مره الكرام التوفيق لما يحبه الله ويرضاه
في النهايه اتمنى تتقبل كلامي بصدر رحب ومن اخ الى اخيه
والسلام ختام
25-05-2009, 02:16 AM
العرض الشجري