((اصغر)) مواقفنا يخلدها شبا السيف الصقيل !!!

[طبيب جراح]

قصـيــــدة (( ابن الدعـيــــــــة )) بمناسبة زواج سمو
الشيخ تميم بن حمد بن خليفة ال ثاني
ولي عهــــد قطــــــر

يالليلة اللي من محبتها تساوي كل ليل=الليلة اللي كنها القمرا يذعذع ندها
الليلة اللي مثل العيد الاول والدليل=الدوحة يرفرف علمها والسرور يشدها
عم الفرح شوارع الدوحة وصارت سلسبيل=ريانها الليلة من الفرحة يصافح سدها
تستاهلين العز يالوجبة ولامثلك مثيل=تقبلي من شعر شعبك مايترجم ودها
وشلون ماتفرح ومانفرح ومن هذا القبيل=حبيت ابارك باسم ربعي يوم جيت اعدها
مبروك ياراع الحجاج السمح والوجه الطويل=اقولها من جد جدي والعرب من جدها
حنا توكلنا على المولى وهو نعم الوكيل=في حفلك وحفل البلاد اللي جزيل مدها
مبروك ياوالي عهدنا وانت من بيت اصيل= بسياستك تاخذ وتعطي وانت والله قدها
في ظل ابومشعل عسى عمره على الدنيا طويل=شيخ كسب ود الشعوب اللي مايكسب ودها
له في جميع الشعب كله من الى فضل وجميل=يمد كف العون للمحتاج يوم يمدها
ماللفقارى واليتامى غير ابومشعل كفيل= من كثر ماتعطي يمينه مايعرف يردها
من كثر وقفاته وطيبه ماذكرت الا القليل=احترت في طيبه على كثر المعرفه والدها
حتى بلاده صارت بلاد من الوزن الثقيل=عين على بطن البلاد وعين تسبر حدها
في عهده الدوحه تقدم من جميل في جميل=من لد فيها راح منها والعيون يلدها
كن غرة الدوحه نهار في نهار بدون ليل=الشمس تشرق في نحرها والقمر في خدها
دستورها القران والقران يعدل مايميل=يبني بيوت العلم وبيوت الظلام يهدها
منين مالديت عيني مالقيت لها مثيل=الشيخ ابومشعل ولدها والتميمي جدها
اسس قواعده واثبتها وسوى المستحيل=بلادنا لاعاش راس اللي يوقف ضدها
من الرويس الى العديد اللي ورى سودانثيل=جميع عكفان الشوارب من رجالك عدها
((اصغر)) مواقفنا يخلدها شبا السيف الصقيل=عند الطلب مثل السيوف اللي رهيف حدها
الشيخ قاسم يوم طرشها وضاع بها الدليل=اخر كلامه ودها صوب(( ال مره ))ودها
مايبغي الا الوقفة اللي تبري القلب الغليل=مثل الزباره يوم ذعذع نصرها من غدها
جيناه رجليه وخياله ولافينا ذليل=مثل الحرار تنومس الرجال يوم يهدها
فعولنا يشهد لها"خنور"والشيخ الفضيل=نصد عدوانه وعوان الزمان انصدها
اخذ الولا منا يابومشعل وحنا مانعيل= وان عالت العيال نقهرها وتلزم حدها
على محبتك ومعزتك اتفقنا جيل جيل=انشد مشاعرنا عن اخبارك وتسمع ردها
واكبر دليل انحن نبارك كل يوم وكل ليل=في الليلة كنها القمرا يذعذع ندها

*********************