الشاعر فهد بن مطلق المصارير يمدح الشيخ عامر بن حزام بن خرصان العجمي

[@سلطان العجمي@]

بسم الله أبدى وابتدي بدع الامثال@ والله يجملنـي بذكـر الحقـايـق
حقايق يفخـر بهـا كـل رجـال@ يوم إن بعض الناس للحـق بايـق
أفعال شيـخ كـل ماعـدوا أفعـال@أشهد له بفعله واسـوق الوثايـق
نصيته بصيتـه وذكـره بالأقـوال@ في مجلس فيـه النشامـا حلايـق
ياعامر بن حزام حققـت الآمـال@ جعلك بعد منهـو يحـط العوايـق
فزعت لي بالوجه والجاه والحـال@ وبردت كبدي عقب ماكنت ضايـق
ماهي غريبه منك ياطيـب الفـال@ يكفيـك تكليـف الـولاة الوثايـق
للصلح سبـاق .. وللشـر حـلال@ أنا اشهد إنـك فـارق فالخلايـق
ياسلالة الشيخان يانسـل الابطـال@ تاريخكم يشهد لكم فـي الورايـق
أوراق عز في الكتب مالها امثـال@ مثل النجوم الساطعـات الشعايـق
أنوارهم وسط الدجاء مالها ظـلال @يندلبه مـن تـاه بيـن الطرايـق
اللي لهم في قمـة المجـد منـزال@ حتى العجم تشهد لهم في البطايـق
لا قلت خرصان يجي الارض زلزال @ولا قلت عجمان تشـب الحرايـق
من دون نقصان ومن دون مثقـال@ كـل القبايـل وافيـات شقـايـق
قلته وانـا مـن لابـة فعلهاهـال@ هال القلـوب الكايـدات الحذايـق
دواسر عند اللقاء نشعـل اشعـال@ لا جاء نهار فيه زفـر وشهايـق
خطلان الايدي من قديـم ولا زال @اسـم لنـا ثانـي عظيـم ولايـق
وقت الفقر وقت القفر حالنا حـال@ مغنينا رب الكـون جـل ودقايـق
تشهد لنا سـود المجاهيـم ودلال@ وسط الفيافـي ساكنيـن الحدايـق
ويكفينا فخراً دامنـا كلنـا اخـوال@ اهـل المهابـة لابسيـن الذلايـق
ولاتنـا قاداتنـا بكـل الاحــوال@ أصل العروبـة كاسبيـن الوفايـق