معوكسات الطواريق لـ( مساعد جميل)

[فهد بن مطلق]

السلام عليكم ورحمة الله وبركاته

قصيدة لشاعر عذب من اخطر الشعراء المبتعدين عن الساحة في الوقت الراهن

للشاعر مساعد جميل اتمنى ان تروق لكم .

مابلت الدنيا ضما ناشـف الريـق=ولابان بوجيـه الرفاقـه رفاقـه
قل للرفيق الي حدانا على الضيـق=لابوه عـرف ولعنبوهـا صداقـه
فالصوت نبرات التعاسه مواريـق=يامن يـرد العلـم لهـل العلاقـه
ويقول مال الحر غيـر الشواهيـق=لوتعشق سبوقه ثرى ارضه عشاقه
وحنا لو ان الهـم فينـا طواريـق=نكسر على خطواتنا عظـم ساقـه
ماننشد الونه عن اقصى المعاليـق=والهرج نعرف غايته من سياقـه
واليا غدى المعنى سوالف واراويق=ماننشـد الحـلاق فـن الحلاقـه
كم جملة فيهـا المعانـي تفاريـق=تقلع مدى مـن لا تمنـى فراقـه
قم جر صوت معوكسات الطواريق=الموت واحـد والحماقـه حماقـه
ومدام شمسي تنقري فالمشاريـق=مااقول مالي في عنا الوقت طاقـه
ولاني بمن يغفيبه الوقـت ويفيـق=انـا بـدوي تكفيـه حنـة نياقـه