أنتــــــــهض حظ الغراب وحظ بومـة

[العرجاني محمد]

السلام عليكم ورحمة الله وبركاته :

هيه ياحظ ٍ على العقبان مالي
وأنتهض حظ الغراب وحظ بومة

مابقى للطيب في الدنيا مجالي
الردى وراعي الردى تمشي سلومه

من كثر ماله غدى شيخ ومعالي
وصار له عند العرب فزة وقومة

ومن جفاه الوقت من عقب الدلالي
مايعزه في الملا ماضي علومه

ياعريب الساس من جدٍ وخالي
لا يهمك لو علا العربان عومة

لا يهمك لو طغى بجاهٍ ومالي
ولو فرق مثل الهلالي بين قومه

دام ساسه طامنٍ بين الرجالي
فلا يهمك ولو غدى ريس حكومة

وسلامتـــــــــــــكم
أخــــوكم / محمـد العرجاني