هذه قصيدة غزلية وأتمنى أنها تعجبكم :
أحبك لي ست سنين وتم اليوم سابعها
عسى الله لك يوصلني قبل لا الشوق يفنيني
أحبك والمحبة في ضميري يزيد دافعها
إلى منك على فكري طغيت وصرت تدعيني
ترى ياسيدي حبك ملك روحي وتوابعها
وصار الآمر الناهي على قلبي وعلى عيني
ألا ياشمسي إللي في الضماير غاب ساطعها
أنا عايش على رجوى شعاع منك يدفيني
ترى ياسيدي همستك جدار الصمت مانعها
ونظرة طرفك الخجلى توارى قبل ما تجيني
يا خلي طالبك طلبة وطلبة خلك أسمعها
ونفذ هالطلب تكفى ترى مافيني يكفيني
أبيك تغامر وروحك مع روحي نجمعها
وتصير أرواحنا وحدة بدل ماتكون روحيني
وأبيك تضمني لصدرك وليلتنا نولعها
ولا نهدأ ولا نسكن إلى ما فجرنا يبيني
وأبأسبح في بحر عينك وبأغرق في مدامعها
وأبي برمشك إلى مني بغيت أموت تحييني
وأبي أشرب من شفاهك إلين يجف نابعها
وإلى من جف نابعها وش إللي عاد يلهيني
وسلا متكم ( باقي للقصيدة بقية لكن خصوصيتها المفرطة منعتني من نشر باقي الأبيات .. وسامحونا إذا حصل تقصير أو خطأ )
محمــــــد العرجاني
18-01-2005, 02:22 PM
العرض الشجري