يسعد اوقاتكم ...
(تمتعــــــوا ...)
هين مردك للفرج ياأكبر الضيق ..
دام الليالـــــي تقتفيها ليـــــالي !!
هي بس تبغى طول صبر وتوافيق ..
وأشيل هم الناس كله لحالي !!
وعمر المربط مايسوق المطاليق ..
والحر مايرضيه غير المعــالي !!
ياصاحبي وإن زاد ظلم المخاليق ..
فـ لا تحسب إن الله عن الخلق سالي !!
والطيب يمحى العيب عرف ومواثيق ..
وإلا الخطا ماله على الطيب والي !!
واللي جرحني بين حدب ومعاليق ..
ماأخفي عليك إنه إلى الحين غـــالـي !!
ياحلمي اللي مالك اليوم تحقيق ..
حبك حقيقي بس وصلك خيالي !!
والحب يفضحني وإن أخفيته يويق ..
وإن مامضالي بالوفـــا مابقالي !!
جرحتني مخـتار ياحالي الـريق ..
وأسامحك مجبور ياراس مالي !!
صوره ولا يحتاج الإحساس تعليق ..
أركض رجا ويطيح ميّس ظلالي !!
وإن كان بيبان المشاعر مغاليق ..
فما هو جديد إن الزمن ماصفالي !!
ليت الهوى جمعه ولا فيه تفريق ..
أو ليت ما للبعد فـ القلب صالي !!
ياصاحبي وإن شلت لك فوق ما أطيق ..
فـ أنا لحالي جيت وأرحل لحالي !!
وهين مرده ينتهي كل هالضيق ..
دام الليــــالي تقتفيها ليــــاليا !!
27-08-2009, 05:30 AM
العرض الشجري