مسّيك بالخير ياللي شوفتك عيدي .!

[فهيد بن عصيدان]

كل عام وانتم بخير ..

وعيدكم مباركم وهاذي عيديّه حبرها ماجف

مسّيك بالخير ياللي شوفتك عيدي=الا أوّل ., وثاني اعيادي ., وثالثها

إن هزّني الشوق وش بيده .؟ ووش بيدي .؟=أبنتظر مكْثر اشواقي ومرّثها

اقلوبنا شاهده من غير تشهيدي=ولاتعنّي مراسيلك وتبعثها

نظرة عيونك .؟ كلامً قالته ميدي=لاقامت اتحدّث عيوني واحدّثها

ان جيت .. في طلّتك تسترجل الغيدي=وان رحت ياللي تذكّرها .. تأنّثها .!

مشيك على الارض .؟ تعذيبً وتهديدي=كنّك تسبب بخطواتك كوارثها

العام ..؟ غيرك لحوني به وأناشيدي=واليوم فيك انت اروبعها واثولثها

وان قلت عنّي كلاسيكي وتقليدي ؟=بداوة استايلك وشلون احدّثها .؟!

اتحول من دون رغباتي .. تقاليدي=واتردّني سمعةً ماني ملوّثها

وان كان واعدت .؟ لاتنسى مواعيدي=ولاتكثّر من احلوفك وتنكثها .!