|
واخاوي قروم الرجال المشاكيل///واعمل لشيب الراس بـول شبابي
السلام عليكم
اسعد الله اوقاتكم بكل ماهو مباح 
وبعد غياب طوويل
،
،
،
نعود لنتواصل
ياحزن انا والله ماعاد بي حيل=كسرت مجدافي وموجك غدابي
اصبر صبر ايوب وارجي المقابيل=واعوي عوى سرحان واسن نابي
مانيب احب اللي يزيد الاقاويل=ولا ينقص قدري اللي حكابي
واحشم لحا واشناب بعض الرياجيل=ولا بعضهم ماحسب له حسابي
واخاوي قروم الرجال المشاكيل=واعمل لشيب الراس بـول شبابي
واشرب مع الفنجال عده فناجيل=واغيب ويبين بربعي غيابي
وازرع قصيدي والنجاح المحاصيل=مدح وغزل والا قصايد عتابي
ياحزن منك قمت اجر المواويل=خلك معي موجود بسطر كتابي
صحيح انا والله ماعاد بي حيل=لكنك الهامي وسبت مصابي
سواااالم
__________________
----
وإن الذي بيني وبين بني أبي
وبين بني عمي لمختلف جدا
فإن أكلوا لحمي وفرت لحومهم
وإن هدموا مجدي بنيت لهم مجدا
ولا أحمل الحقد القديم عليهم
وليس رئيس القوم من يحمل الحقدا
--
|
10-10-2009, 02:20 AM
العرض الشجري