السلام عليكم ورحمة الله وبركاته
اليكم قصيدتي هذه وارجو ان تنال اعجابكم
يابيوت الشعر هلي لجل خاطر نور عيني = لعنبوها كان ماتظهر لجل مهجة فؤادي
ويش عاد ابغى بقصيدن ما اسلي به ظنيني = والله اني لهجره هجر المعادي للمعادي
ارحبي يامرحبابك في بيوتن ماتزيني = كود يظهر فيها حسك حبرها نرجس وكادي
يالغلا انت الغلا والناس تعرفني رزيني = والرزانه لشوفتك بايعها في سوق المزادي
من جمالك صاحت القمرى وقالت ناظريني = لجل ابعكس نور وجهك يسطع بكل البلادي
والعيون السود فيها نظرتن تروي حنيني = والهدب من فوقها ترمش برمشاتن حدادي
والخشم في سلته ياجعل ربي لي عويني = من سيوف العز والندر بتعرف وش مرادي
والخدود امورده وأمعطره بالياسميني = والعلامه فيها نقطه من يسار الخد غادي
والشفايف جمرتين في ظلامن مايبيني = كود هاك الجمره اللي منوره عقب الشدادي
والعنق لو مالمسته لمستن مابين ايديني = ظاربن به للمثل حرن طلع صوب الهدادي
يانوير زينك اللي مايعبره الهجيني = كود ارقى فوق هالسبع السموات البعادي
بوجحوم
العرض الشجري