مرثيـــــــة العـــــرجاني في صـــديقه الشمـــــــري ( حزينــــه )

[العز بالسيف]

:
:
:
:
:
:
:
:


السلام عليكم ورحمة الله وبركاته
لايوجد فينا من لايوجد لديه صديق عزيز عليه , ولكن الصداقه تختلف عن بعضها فهناك صداقه مصلحه تنتهي بإنتهاء المصلحه وهذي صداقه غير وثيقه , وهناك صداقه أخويه وصداقة مراجل متبادله بين الصديقين , ولكن يحصل فيها فراق إما بموت او انتقال عمل ولكن تبقى الصداقه كما هي ..
وهذا ينطبق على الشاعر / مسفر بن معدي ال مرهم آل صلاح العرجاني , وصديقه نهار بن نهير الشمري
الذي وافاه الأجل المحتوم في العشر الاوائل من رمضان هذا العام 1430هـ في حادث مروري
وحزن عليه صديقه مسفر حزناً شديداً حتى أشفق عليه أهله , فكتب فيه مرثيه حزينه
ولذلك احببت ان اطرحها في المنتدى لأنها أبكت من استمع لها



.......

ألا يامـل عينـن ماتنـامـي=سهيره ماتبي حلـو المنامـي
لها مـدة تهـل الدمـع كنـه=شخاتير السحايب والغمامـي
وإيلا منها غفـت ولاتهنـت=تصحيها كوابيـس وحلامـي
أنا ذي حالتـي للـي نظرهـا=تكفي عن كثير مـن الكلامـي
أنا يا وجد حالي وجد شايـب=تعدا بالعمـر سبعيـن عامـي
عقيم مـا رزقـه الله بمحـزم=فقيراَ يرتجـي مـد الكرامـي
ولايملك سوا عشرين مجهـم=وتقفوها الحناشل في المضامي
ولا يا وجد حالي وجـد جاهـل=يتيم ألامُ من وقـت الفطامـي
كبر حزنه قبل تكبـر اسنينـه=من العمّه عساهـا للعدامـي
أبـوه الغافـل الـي مادرابـه=مابين المعـارض والدوامـي
أنا يوم اتوجد فـي قصيـدي=فلا فاقد خـوال ولا عمامـي
ولاني باتوجـد مـن محبـه=ولاعشق ومراسيل وغرامـي
ولاهمـي دنانيـر ودراهــم=ولاني بشتكي جايع وظامـي
أنا حزنـي كبيـر وماقويتـه=همومي كنها الظلع التهامـي
بعد ماجاني العلـم وسمعتـه=بعاشر يوم من شهر الصيامي
جبل سلمى تغير مـن مكانـه=وقصر برزان كاسيه الظلامـي
بعد ماراح كسـاب المراجـل=عسى الله يرحم الحر القطامي
صديقي يانهـار الله يبيحـك=رفيقي من قبل عشرة عوامـي
اخوي وكل منـا مـن قبيلـه=من شمر وأنا من صلب يامي
تخاوينـا علـى عـز ومعـزه=وهذي سنة الله في الختامـي
عسى قبره هماليل السحايـب=وبالفردوس يبنا لـه خيامـي
عسانا نجتمع في ظل عرشه=بيوم تجتمـع فيـه الأنامـي
وختام الهرج يامن تستمعنـي=على حايل تحيـات وسلامـي

الشاعر / مسفر بن معدي العرجــاني



تحياتي