كل ما دق قلبي

[أبوهاشم]

كل ما دق قلبي دق حال برى
البسته الليالي مذهلات الهموم

البسته الليالي ثوبه اللي ترى
ما يقي برد ليله او هجير السموم

ما يقي برد ليله كود طاري طرى
شب نار لظاها في ضلوع العزوم

كن وسط الحشى هبت هبوب الذرى
لي تفقد معاليقه ولاهو معدوم

يخنق الدمع عزم لو وشى به جرى
مثل ما تخنق العبرة يتيم محروم

من مشى ما يداني مشية القهقرى
ما يداني رديين الطبع والرخوم

مير حظه من الايام حظ الكرى
من عيون تراعي مزهرات النجوم

شاف فرق الثريا عن اديم الثرى
يوم بانت وبانت ماضيات السهوم

غصن ورد وشلال ووجه ازهرى
وصف حص وجوري والرحيق أمختوم

سلسبيل الضما للروح والكوثرى
وأمحشوم عن الزله كريم امحشوم

حن حالي سواد العين ثم أنبرى
قال والله لجيب العرش قبل ان تقوم

قلت عرشه برمش الريش في المخبرى
استقرت دعايمها علينا لزوم

أدخلتني وانا رجل أمام أورى
وسط صرح وقاعه يذهل اللي يعوم

هالني ما عرفت الما من المرمرى
باح سدي وانا جلد صبور كتوم

بلغوا من برى حالي وهو ما درى
كان ما مالحظي وكان قلبه رحوم

بعت سهم الهوى في حظ منهو شرى
والله اكبر على اللي في هواهم يسوم .