ابيات شعاااار المنتدى ؛؛ في الخوُه!!

[نايف بن فواز]

بسم الله الرحمن الرحيم

السلام عليكم ورحمة الله وبركاته

حبيت انقل لكم ...

ابيات لشعراء المنتدى..في موضوعي السابق>>>> (( الخوُه))

<><><><><><><><><><><><><><><><><><><><><><<><><>< ><>

صاحب صحيبٍ لاتضايقت ..> لك قام ..
يفزع لو إن الموت قدام عينـه ..!

وإقرب من اللي صلب جدانه بـ يام ..
لأنك إلا من ضقت ماقلت .. وينـه ..؟

^
^
الشاعرة/موادعك خيره


الطيب وهبه والمراجل توافيـق
يحري بها اللي يمّها حث ساقـه
شرواك ياللي تجلي الهم والضيق
وألا الردي ماله على الطيب طاقه
أقولها وأختم على القول تصديـق
صداقتك مكسب ونعم الصداقـه

^
^
الشاعر/سلمان بن ضيدان

كم صاحبٍ لو غاب بالقلب موجـود
قدره وصل حد النجـوم وسماهـا
و كم صاحبٍ لو غاب ماهوب مفقود
محدٍ نشد مـن غيبتـه وش بلاهـا

^
^
الشاعر/سلمان بن ضيدان


أما خوينِ خوته سلة السيف
ولا بلاش امن الربع والصداقه

ياكود ماتلفا عليك التحاسيف
ولاتشوف الطيب مكسور ساقه

^
^
الشاعر/ذيب مطنوخ


الطيب والخوه وشوف النشاما..
والمرجله عز وفخر للمطاليق


والا الردي مهما قعد ثم قاما ..
راسه ردي خله ضعيف المخاليق !

^
^
الشاعر/فلاح بن جمل


الناس يامحمد ماعاود هم الناس...وان خاب ضنك في رفيقك سهاله
بعض الرفاقه خوته تطمن الــــراس...والبعض لو عمرك عطيته فدااااااله
عادي ترا لو ينهدم فيهم الســـاس...لان المراجل قصرها في ضــــلاله

^
^
الشاعر/شواش العنزي



خويي خويي فاالليالـي ذرى وحجـاب
ولامن بغاني صرت انا اقرب من اقرابه
يجينـي ويشكيلـي لياصـكـت الابــواب
عليـه وفتحنـا بـاب منـهـو قـفـل بـابـه

^
^
الشاعر/سالم الرتيبان


صحبت الطيب كنز" على الدنيا ثمين = تذكره لاكلخت بيضها عن سودها
ثابت" لك بالمواقف مثل ضلع" متين = مايهزه من يحاول ايهز احيودها

^
^
الشاعر/فيصل الرشيد



لاتضآيق دام لك ربع وجمآعـــــه
وسعه صدرك وعلمني علومـــك
مطلبي من دورة الايام ســــاعه
وليتني اقدر اخففها من همومك

^
^

الشاعر ناصر ابوجما

خويي ليامن شفت رقمه مامر مرور = مواصله ياجب والقطع فيه ماياجب
اعزه وارزه واتغاضى عن اي قصور = واشوف ان تقصيره معي قمة الواجب
نعذر الخوي لاصار في غيبته مجبور = وناقف معه والعين ماتعلى على الحاجب

^
^
الشاعر/معيض بن شملان



ألا ياللي تبسم .. وأنت نيبانـك ! نيـاب القـرش
ترقد وأذكر الله ! غير وجـه أبليـس ؟ شيطانـي
إذا الله قد رزقك بـ/مال ، ولا جآه ، ولا عـرش
ترى (الخوه ّ) رصيد ً مـآ قنـاه البنـك الامانـي
معاك المال ! وإن صادفت ؛ لكه في طريقك ؟ أرش
علي الله ! وأنا دونك .. كربت الـروح (مجانـي)
وصلت (الخوه ّ) اللي بننـآ ! ولا لحقهـا جـرش
فلا ببكي على (الخوه ّ) ! ولا فآقد حدى أخوانـي
انا من لا نشد عني ؟ في جيبي ما نقص لي قرش
عزيز ً من فضل ربي علـي .. وفضـل جدانـي


^
^
الشاعر/ العود



اشفق على خوته طليق الحجاجين
دمث الجناب اللي له طيب منزال

هذا رفيقي لغدا ليل ليلين
وانا رفيقه لغدا الوقت ميال


^
^
الشاعر/مريغان

بالنهايه اشكر جميع الاخوه الشعار بما خطت ايمانهم..

وبيض الله وجهيم على جعل الموضوع مميز بمشاركاتهم الكريمه

تقبلوا تحياتي...نايف بن فواز