ياكثر سفراتك .! , خالد بن رمثان ( New )

[فهيد بن سالم]

السلام عليكم ورحمة الله وبركاته




بعد أذن أبومانع راقت لي كثيرا وحبيت أنقلها لكم

سم يا روحي و حاذر تنهمر دمعاتك=دمعتك تزعج و أنا مابيك تزعج عينك

قول وش عندك ؟ تراني ما أحب سكاتك=والبلا إن الصمت سيفك و الحكي سكينك

كن في نفسك كلام ٍ ماهو بمشهاتك=و كن في صدرك جيوش ٍ بالقهر مالينك

و كن صوتك ما نوى يكسر قفل همساتك=لا تـَردد و أنت طبعك مكتمل مع زينك

بس / لا تطري تسافر يا كثر سفراتك !!=لا تخليني أنـادي يـا غناتي وينك ؟

لا تخليني و قلّل بـِعدك و روحاتك=ولا تـعّذر دام عذرك في جفا غالينك

و إعرف إن (عيون قلبي) تحتري جياتك=و إعرف إن (بنوك وصلك) ما تسدد دينك

أنت .. تسوى في خفوقي يا خفوقي ذاتك=قابلك ربي ، و سبحانه على تكوينك

و أنت .. بستاني و بسمة شفّتك ورداتك=و الخصر سور ٍ تلوّى و إرتداده (بينك)

و أنت .. في عيني مدينه و الوفـا راياتك=و بالجمال اليوسفي يا غايتي بانينك

و صوتك / أسرف بإندماجي في دلع كلماتك=ذابت أسماعي لـ راءك و إذبلت من سينك

هات قلبك لا يقفّي يالرهيف و (هاتك)=يالوحيد اللي فقلبي ما لقينا شينك

ودي أعرف في حياتك ويش هي غاياتك=لجل أحققها معاك و تهتني بسنينك

و ألا أنا غايات عمري كلها قد جاتك=غايتي قربك لو إن الناس متشاوينك

و لا تسمّع عاذلينك يالغظي وناتك=و لا تبيع اللي بعربون الوفا شارينك

و لا تساويني بغيري و إجتنب زلاتك=دام كلك لِـين عامل عاشقك من لينك

و لا تسافر و أنت تدري لا بدت سفراتك=بقعد أكتب من دموعي ( يا غناتي وينك ؟؟ )

وسلامتكم