هذه القصيده قلتها في الشيخ صالح حسين كرعل ال سلامه الوايلي
ياصالح بن حسين يالشهــم الشجيــع = ياشيخ حازم في علوم المـرجلــــــــه
أن اشهد انك صاحب القـدر الرفيــــع = وأن الكــــرم لــــه ناس وانك منهــلـه
لاجيت عانــي لك وأنا قلبـي وجيــــع = أنسى همـومي في السنين المنحلــــه
زعيم مــن عادك على الدنيا رضيـــع = ربي خلـــق فيك الزعامـــه مُنْــــــزَلَه
ياشيخ علمك طال واحسنت الصنيـــع = قضيت عمرك في العلــوم المذهــله
قدلك على ذا الحــال يالســـد المنيــع = مثلك مــع الـــوقفات ماحـــد يجهــله
تشـــل الثقيــل اللي على ربعــك مريع = وتعـــــد مالك في المــواقـف نهمــله
لاجيت ابا امدح فيك يالفـــج الوسيع = تاتي حــروف الشعـــر فيك مسهلـــه
لانك كفـو والفخـــر في ذكـرك يشيــع = عون الضعيف اللي تضايق من هلـه
ياجــو يالممطــر وياالفصل الـربيــــع = ياوادي(ن) به خيـــر كل(ن)ياصلــه
اقـولها من قلب صــــافي لك مطيـــع = ماهــــون بحبـك ولاســاعــه دلـــــه
باكتب قصايد فيـك مـادمت استطيـــع = الشعـــر في مثلك حشى مــــانبخــلـه
والله لو شفتك على الخــط السريــــع = لاهدي بسيــــــري ودرقـل درقلـــــه
تعاهــــــدنا لبــــوك ولايمـكن نبيــــع =وأنت الشبـــل في ذي البـــلاد تمثلـــه
لانك كفـو والفخـــر في ذكـرك يشيــع = عون الضعيف اللي تضايق من هله
الشاعر حسين عبدالله كرعل الوايلي
26-11-2009, 01:34 AM
العرض الشجري