السلام عليكم ورحمة الله وبركاته
صبحكم الله بالخير
وكل عام وانتوا بخير
وعيدكم مبارك 
هديه بسيطه لكم جيمعا دون استثناء
يامرحبا بالعيد له شكل جذّاب
ترحيبة ٍ اكبر من النير وطويق
الكل يفرح به صغـار ٍ وشيّاب
تفرح مع اقدومه قلوب ٍ مشافيق
عيد ٍسعيد ومن فرح فيه ماخاب
تصفى القلوب وينجلا الهم والضيق
العيد فرحه والفرح شوف الاحباب
قرب ومودّه مايجي فيـه تفريق
مابين اقارب كلهـم ويّا الاصحاب
وبين النشامـا والرجال المطاليق
هـذا ولد عـم ٍ نعــزّه بترحاب
وهذا ولد خال ٍ نـودّه بتشـويق
ولافيه حقـد ولامشـاريه واعتاب
تاج المحبه فـوق روس الشواهيق
انفوسهـم زانه ولافيه مرتـاب
مثل الندى فوق الغصون المواريق
العيد يزرع بسمته بين الاقـراب
في يوم تسعدبه جميع المخاليق
هذي حلات العيد والطيـب ماغاب
وتبقى السعاده والوناسه توافيق
الشاعر : محمد مرزوق السميري
27-11-2009, 03:23 AM
العيد فرحه والفرح شوف الاحباب قرب ومودّه مايجي فيـه تفريق
العرض الشجري