مجاراه .. للشاعر / صالح ابن جارالله .. ( اهداء للعجمان )

[ماجد المهنا]

السلام عليكم ورحمة الله وبركاته ..


مسيكم بالخير ..


اعزائي .. مشرفين واعظاء وضيوف منتدى العجمان ..


قريت قصيده للشاعر / ( صالح ابن جارالله المري ) .. فالعجمان ومنتداهم ..

وانا من المعجبين بشخص وقلم هذا الشاعر .. وانا في خاطري وكان ودي اكتب قصيده بالعجمان وهاذي ماتغنيني .. لكنه سبقني عليها .. وانا حبيت اجاريه حبٍ له ماهوب اكثر ولا اقل .. وانا خابر اني لو كتبت ما راح اوفي العرب ذولي حقهم ..
واذا بغيت اكتب قصيده اما تكون كايده وفي مقامهم والا ما يحتاج .. وانا مثل ما قلت القصيده ذي او المجاراه ما راح تغنيني ..

لكن ..

صلو عـ النبي ..

هذا ما بدر مني ذا الحين ..


وهذا رابط قصيدة ابن جار الله ..
http://www.alajman.net/vb/showthread.php?t=15990


واقول أنا ..

يا الشاعر ( المري ) تعيش وتبقى يا سقم المعادي = مرحبا لبيه يالشغموم يالسيف المشهر
سبقتني بالطيب لكن حسب ما جاء بعتقادي = كلنا صوب المراجل نور شعّاعٍ ويجهر
من قريتك قمت اغني قمت اصفق بالآيادي = لين جتني شكوةٍ من جامعة الأمام الازهر
مّدحت الطيب تخلي العز دايم بـ زديادي = يستاهلون المدح لامن كل من قافه بيظهر
( السلاطين الشياطين ) ان بدا قدح الزنادي = جارهم يرقد ويآمن والعدو بالعون يسهر
العدو لامن توجّد وده بطعم الرقادي = مايذوقه كود في قبره عقب يخسى وينهر
رفيقهم في طيب والا عز والا في برادي = عاده وسلم ومراجل ايه يا العرق المطهر
لوكتبنا لو محينا كلبوها شيء عادي = في ثرى ( العجمان ) لو ماتت قصايدنا بتزهر
قلتها وأنا ولد حرٍ تشيّخ في بلادي = ( دوسريٍ ) فعل ابوي وفعل جدي شيء يبهر
والقبايل كلبوها علمها عند العبادي = وافيه في مجدها لابد ماتنبي وتشهر
وختام صلوا عالنبي المصطفى راع المبادي = عد ماتبرق وترعد عد ماتمطر وتزهر

وسلامة روسكم ..


اسمحوا لي عالقصور ..


أخوكم /


ماجد المهنا