الارهابي

[ابن دريب]

السلام عليكم

اتمنى ان تنال رضاكم

سموني الناس من سبتك الارهابي = وانا ضحية سهوم العشق وإحرابه
ياللي حنانك معيّشني على اعصابي= مره يجيني ومره تبعد اركابه
من سبتك كم تولى ناجدي نابي = وعايش مع الناس كني عايش فـ غابه
والراس شايب لو انه مابعد شابي = بس انت حبك يشيب الراس واشنابه
يابلسم الجرح يا اول واخر احبابي = ياغاية القلب يا اصحابه ويا اقرابه
تدري من الناس وحدك مصدر اعجابي = ملهم قصيدي وتفكيري وترحابه
انا بحبك اشوف الناس طلابي = كني مميّز وكل الناس تتشابه
مرات كني على هالناس لعابي = واحيان اشوف الزمن والناس لعابه
ناظر عيوني وشوف الشوق فـ اهدابي= مايفضح العاشق الا الشوق فـ اهدابه
لا تذبح العطف في قلبك على حسابي = العمر واحد وكلن يحسب احسابه
العشق طاغي وهمي لو طرق بابي = شوفة عيونك تزيل الهم واسبابه
لو انثر العشق من قلبي على كتابي = مايجمعه كل عاشق جاه بكتابه
ارهابي العشق . هذا اسمي من اصحابي = وانا ضحية غلاك وصادق ارهابه
وان ماحصلت انت ولا عشت عزّابي = دامك اذا غبت كني عايش فـ غابه

وسلامتكم

[/quote]