المسافه , لـ أحمد المجاحمه .!

[فهيد بن سالم]

السلام عليكم ورحمة الله وبركاته



مساء الخير ..


مجرد تواصل :-

المسافـه تشتكـي هـم المسافـه=ملت الخطوات واتعبهـا أرتحالـي
الطريق اللي مشيته صرت أخافـه=ماتبينلـي مـداه وكـم بقالـي
كم نشدت الدرب عن أول مطافه=وعن نهاياته ولا جـاوب سؤالـي
ضعت في ليلٍ كسى برده صلافـه=والزهاب اللي معي جرحٍ شكا لي
عنـك ياذنـبٍ متعبنـي أقترافـه=كل ماهوجست بـه زاد انفعالـي
من نبش جرحي ورا صدري وشافه=ماتمنى يكون بحساسـه بدالـي -
صاحبي شاعرك بكّا البعـد قافـه=بيض الله وجهك ووجه الليالـي ,
طالبك لو كـان مافيهـا كلافـه=تاخذ طيوفك , ولاتطري فـبالـي
ما على قربك مشاريه و حسافـه=رح , وانا يكفيني بقربـي ظلالـي
ما تخاف البعد , أدري لو تخافـه=كان ما خليتني ضايع لحالـي ..!

وسلامتكم



لـ / أحمد المجاحمه