للحزن غربه فكر ماهيـب ساعـات=
والنفس بنت بليس وابليـس مامـات=
والخوف خوف الله ولاخوف خلقـه=
والصدق احلى شي الا مـع الـذات=
والنوم لو مالـه عـن العيـن صـدة=
ماكان تدمـع كـل ليلـه وبسكـات=
والجرح لـو يبـرى وتلقـى طبيبـه=
مرة!ولكـن يشتكـي عشـر مـرات=
والضيق لـه حـزة ولاكـل حـزة=
وسياسته تفرض على ذا السياسـات=
سياسه الشاعر خضـوع المشاعـر=
وسياسه الحاكم خضوع الحكومـات=
وانا معـا كـل انتمائـي لشخصـي=
عجزت اجمعني وانـا كلـي شتـات=
لادق هاجوسـي وهـبـت هبـوبـه=
الله مشين ضيقـه الصـدر لاجـات=
يحدنـي ليلـي علـى كـل ضيقـه=
وانا اتحـرا نجمـه الصبـح لابـات=
يمكـن علـى الله لاتجـلا ســواده=
تشرق علي شمس السعد بأبتسامـات=
ويمكن اشوفه فـي سناهـا ويمكـن=
اعـرف موعـد طلتـه للفراشـات=
ويمكن يصادفني شـذا نفـح عطـره=
لامرني طيفـه وانـا بيـن لحظـات=
ويمكن اشوفه بين رمشـي وعينـي=
ويمكن!!ولكـن لاتطـول المسافـات=
لبـا شــذا ريحـانـه وياسميـنـه=
اللي يهز غصـون قلبـي بنسمـات=
هـذا انـا فـي كـل ليلـه وهــذا=
حزني وهمي والسهـر والمحاتـات=
اروي ضما وقتي واسابـق سرابـه=
واصبر على حاجات من شان حاجات=
واليا اعتلت شمس الضحى كل همي!=
17-01-2010, 11:20 PM
العرض الشجري