رجـــــــــــال يـــــــــــــــــام

[راكان اليامي]

[قصيدة للشاعر المرحوم / عامر بن حمد بن نوطان آل جابر المري

ياراكب اللي مـن الدرهـام قفالي=بالليل تسري وطول الصبح صلابه
هجن ٍ الا من سعفها الصوت تجتالي=تشدي لشراد ريـم ٍ صاعـه ذيابه
من فوقها من يبوج المشبر لخالي=وان هابوا الناس عسر الدرب ماهابه
تنصى لنا اللي مع الطرشان وصالي=والموعد اللي طلب منا حضرنابه
سلم على اهل الوفا ذربين الافعالي=اللي لكل الفخـر والطيـب كسابه
اللابة اللـي توطـي كـل عيالي=واللي نزل في حماهم خاب طلابـه
ربع ٍ لهم في سنام المجـد منزالي=صعب ٍ على كل رجـال ٍ تهقوابـه
عدوهم لاذكرهم فـي خـلا خالي=من شدة الخوف نومـه ماتهنـا به
صبيان يام ٍ حماة العرب الاجهالـي=كم طامع ٍ جا يبيها واخـذت ركابه
المال دونه رجال ٍ ترخص الغالي=حامينها يـوم كـل ٍ رزقـه نهابـه
الا نصاهم ضعيف ٍ زملـه هزالي=كنه بعالي جبـال طويـق وهضابـه
مطوعة راس من بـه زود وهبالـي=متبين ٍ بالخطـا والحـق عيـا به
اهل بيوت بهـا للضيـف مدهالي=ومعـزبٍ يبهـج الخاطـر برحابه
وان كدر البـال شـي ٍ ماتشافالي=سليت سيف ٍ تنومس قضبة نصابه
صوت ليام ٍ الا من حـدك لجالي=وابشرك لارفعت الصـوت بالثابه
يام ٍ عمود الذرا في كل الاحوالي=والبيت لولا عموده طاحت قطابه
غارٍ يـذري وتلقـى فيـه مقيالي=وغار ٍ الا جيت صوبـه ماتذارابه
ماهي تذل الصعايب كون برجالي=وتصبر على الهون يمنى ٍ مالها الابه
كيف ادرك العز وانا فرد والحالي=مايدرك العز رجل ٍ قلـوا اصحابـه
=ان ساعد الكف قوا الزند من عالي=والا قصر شبرهـا عمـا تهقوابه
جات الحمايا وسقنا الحال والمالي=وسقنا المظاهير من يبريـن وترابه
ماعاد حن نستمع في كـل عذالي=واللي تغيـب بعـد ماعـاد كنابه
خيـل ٍ تنـازي بشيبـان ٍ وجهالي=وحبل الرسن مايجود فيـه قضابه
وضاع العقل من رجالٍ كان عقالي=ومن الدجر كنهـم للخمـر شرابه
لعيون غـر ٍ تهـل الدمـع زلالي=ويقول (علي المرضف) مالي الابه
تقدم الجمـع عـاد الفـي مامالي=هذاك يوم ٍ على العدوان يدعى به
خذنا ثلاثين اصيل ٍ سوقهـا غالي=من فوقها كل شغمـوم ٍ رمينـابه
لعيون سلمى هزمنـا كـل جمالي=واقفى وخلا الحريم ونارت كلابه
حريمهم تنتخي مـن قلـة الوالي=والمال همل وحنا اللي حظينـا بـه
الشيخ (ابن جمعه) لنا دز الارسالي=من هجرة عريعره وصلتني ركابه
يامرحبـا يـوم مرسولـه تعنالي=والجيش جا_والشلايل_ جات برقابه
عيناك ياللي عيونه سهرهـا طالـي=من كان حن فزعته نومه تهنـا به
سرنـا عليهـم بتكبيـر ٍ وهـلالـي=والروس تحذف (وابن جمعه) يثارابه
خافي ٍ حدابه علينا القـادر الوالي=طقه عقاب ٍ فـرا جوفـه بمخلابه
يدور المنع حاديـه اشهـب اللالـي=مايدري ان كل صولتنا مـن اسبابـه
بالخنجر الحضرميه حطه اوصالي=ياليت اخـو فايـزه عينـه تخلابه
وصيته الا لبسوهـا ثوبهـا البالي=لبسوا حلايل عدانـا ماكسوهـا به
وصلاة ربي عـدد ماهـل همالي=علـى نبـي ٍ هدانـا واهتدينـابه

منقول من اخي هادي ال زليق