آقـلـطـو...!!

[فلاح بن ملبز]

والله أنه كل مـا هـب نسنـاس الهبـوب=وقامت بيوت الشعر تطحن وسـط الرحـاه

اتخيـر فـي المعانـي ولانــي بمغـصـوب=يوم بعض الناس ينشب السانـه فـي جمـاه

الشعر للنفس مـا هـو لعبـاي الجيـوب=يوم بعض الناس جيبه مـن الشحـذه مـلاه

الشعر وهبه مـن اللـي عليم(ن)بالغيـوب=والشعر ما يرفـع اللـي ردي(ن) مستـواه

المهـم رحنـا وجينـا لدكتـور القلـوب=وانقلب راسه وصار(ن) اعيونـه فـي قفـاه

عقبها جمع الأطباء علي مـن كـل صـوب=وكل منهم هـز راسـه ولا ادري وش وراه

قال شفت السمن واشلون في الرمضاء يذوب=ذايب(ن) قلبك وموتك اخير امـن الحيـاه

قبل اشوف اشعتك كنت احسب انك كذوب=صدق ما هو ينس الجمر غير اللـي وطـاه

قلت لوك شفت ما شفت ضيعت الـدروب=حالف(ن) بالله فالكـون مـا تلقـا اسـواه

ولو تشوف العين والرمش تشرق بالشـروب=ولو تشوف الحبه اللي بعـد فـوق الشفـاه

ولوبغيت اوصفه صار ما عنـدي اسلـوب=وان حكا ما ودك الا تسمـع فـي احكـاه

اتحـدا فيـه كـل الخلايـق والشـعـوب=القمر لو صـار عنـده يبـي يزحـف وراه

شفت بكره لو تجي الشمس من عند الغروب=ايتناسى قلبي اشيـاء وشيء(ن) مـا نسـاه

ولا ترج الماء تحسبـه مـع المـده يـروب=أنت مثل اللي لقا الحـر الأشقـر واشتـواه