لاهنت .. يامن عكس شفي ومطلوبي :)

[قبلة العذارى]

السلام عليكم واسعد الله اوقاتكم بكل خير



للتواصل مع قلوبكم اتمنى ان تنال رضى ذائقتكم



*

*

*

الليل شوقي .. ووجه الشعـر محبوبـي=يا نجمة الضيق عن صدر السما غيبـي
انا اللي اخطيت فـي حقـي وماجوبـي=وانا اللي ازريت فـي طبعـي وترتيبـي
يا شرهة النفس من صرف الندم توبـي=ما عاد في جيبـي الا كفـي .. وجيبـي
لا هنت يا من عكس ( شفّـي .. ومطلوبـي )=مـن يمنـع الحبـر لا سيّـل مكاتيبـي
يوم انت محتاج لي ما شفـت عذروبـي=واليـوم عقـب الرخـا زادت عذاريبـي
كم شق في ثوبك .. اللي ساتره ثوبي !!=قبل اغلب الناس تدري بك وتـدري بـي
تغيب عـن ناظـري وتعـذرب دروبـي!!=وان جيت تسبق قدم رجلـك " تراحيبـي"
عارف وش اللي خذاك ؟ ورجًعك صوبي ؟=خـذاك منّـي رداك !! .. ورجًعـك طيبـي !!
يا كبر ذنبك لو ان ماهـو مـن ذنوبـي=كنّك تقـول لهقاويـي معـك .. خيبـي
طيبي بعين الزمن ماهـو مـن عيوبـي=معك انت بالذات .؟ كانت طيبتي عيبـي
اليـوم لا جيـت لا تستنكـر اسلوبـي=العام .. كنت اكبر من شكوكـي وريبـي

وسلمتوا .. للمبدع / ناصر مناحي



سلامو عليكم