وجهة نـظـر

[مسفر بن جوخه]

السلام عليكم ورحمة الله وبركاته


اعتذر عن الغياب الذي كان خارج عن ارادتي

واتمنى ان تحوز على رضاكم

ياصاحبي علتي بالجـوف مخفيهـا=والوقت كنه علـى همـي ينادينـي
أدري بيوتي تغـرك فـي معانيهـا=لكن أبعطيك نبـذه مـن عناوينـي
بشرح بعضهـا وسميهـا بساميهـا=ثم أبتعد لا لقيـت القلـب ناصينـي
هات القلم وأنتبـه لا قمـت أغنيهـا=العمر روح وفعل النـاس كاوينـي
أشـوف نـاسٍ ولا ودي أحاكيـهـا=لأن الصراحه تزعلهـم وترضينـي
ناسٍ سياساتها فـي ضيـم غاليهـا=وناسٍ سياساتهـا قلـب الموازينـي
وناسٍ تصلي لجل عيـنٍ تراضيهـا=ونياتهـا عكـس نيـات المصلينـي
وناسٍ تسوم الذمم بالمـال تغريهـا=يوم الحشر وش تسـوي بالملايينـي
ما تدري إن الذمم في حكـم واليهـا=وحكامها واضحه بالشرع والدينـي
كمٍ رخـومٍ كثيـر المـال يطغيهـا=تنسى رجال الأشـده والسلاطينـي
أدخل على الله من الدنيـا وشاريهـا=ودخل على الله من أعيال الشياطيني
النار ما تحـرق إلا رجـل واطيهـا=شطرٍ حفظته وطبقته مـن إسنينـي
يا قلب خل البشر لا عـاد تطريهـا=وخذ العلوم الأكيده مـن شرايينـي
الذيب لا ضاق نفسـه مـا يماليهـا=والطير لا شـك يكفـخ بالجناحينـي
البل لما صـدرت تقفـي براعيهـا=ولا الغنم تتبعه من حيـن لا حينـي
أصايل الخيل تعرف مـن مواريهـا=وتعب على كسبها لو شحت إيدينـي
واللي نسى وقفتـي مانـي مثنيهـا=تكفينـي الأولـه منـه وتغنيـنـي
يا قلب جاتك علومي وحتفـظ فيهـا=لا عاد تنشـد زمانـي وش يبكينـي
الشجره اللي عطتني الشوك بسقيهـا=يمكن مع الوقت تثمر وقضي الديني
يا صاحبي وش تبي... خلاص بنهيها=دام الصراحه تزعلهـم وترضينـي