... أبيـــــات غزليــــة ... (مجموعة قصائد)

[العرجاني محمد]

السلام عليكم ورحمة الله وبركاته ومساكم الله بالخير جميعا .
أضع بين أيديكم مجموعة من القصائد الخفيفة والقصيرة وبعض مطالع القصائد وأتمنى أن يعجبكم منها ولو بيت واحد.


>>> كنت في الكويت وهي في السعودية.

يفز قلبي ياحبيبي لا طريت=ياعسى طيفي على بالك طرى
ويا عساني من خيالك ماأمحيت=ويا عسى قدري الثريا لا الثرى
كان لي عقل ولكنك خذيت=عقلي وروحي ولا أحد بي درى
ودي أسلى عنك لكن ما قويت=كل ماحاولت حاربني الكرى
ساهر(ن) طيفك معي بليل الكويت=تسري هجوسي وطيفك ماسرى

>>> ودي أشوفها وش الحل؟

أنتي ياساس المحبة أنتي يا أحلى البنات=ياهوى قلبي بحبك لا تخلينه يتية
ياهنوف(ن) من هواها ماعرفت إلا الشتات=قولي لي بالله بعد كيف ممكن أحتويه
أرفقي برمش عين(ن) من عرفكم مايبات=ساهر(ن)ليله ويرجي لو معذبته تجيه
الوصل بإيدينك أنتي عجلي قبل الفوات=وأرحمي شخص(ن) لشوفك سوى كل إللي عليه

>>> وعدني وأخلف في الوعد.

طرف الليل وعيوني مالها طاري منام=واهني منهو منامه درب عينه دلها
ياعناي إللي يتزايد كل ماحل الظلام=وروحي إللي فوق كفك كل هم(ن)تلها
ياعديل الروح قلي وش جرى مني حرام=تجرح الروح المحبة وتهانى بذلها
أصطليت بنار حبك ولا بقى غير العظام =وأنت ياخلي تفرج وجايز(ن) لك ظلها
لا تصدد ولا تردد ولا تجمل بالكلام=وصادق أعذارك فديتك عند غيري خلها
العذر عندي سلامك يامنسيني السلام=وضمة إيدينك لإيديني لين يبرد غلها

>>> بعيـــــدة

يا بعيدة في المكان وفي النسب=ياشريكة في المحبة والعتب
أنتي للقلب المعنى هم وحزن=وأنتي له راحة إذا أعياه التعب
لا تسآئلني عن إضداد الوصوف=كيف فيك تكون ولا تبدي العجب

>>> مقطع للهنوف

ياالهنوف الحب هذا اليوم عيده=وآنا عيدي بس لى صرتي أمامي
أنتي عيد القلب وأنتي سيد سيده=وأنتي له مقصد وغايات ومرامي
وأنتي بس إللي سكنتي في وريده=وغيرك أنتي ما عشق لا لا حرامي
ياشبية الريم في عينه وجيده=وياشبيه الفجر لى شق الظلامي
كيف أوصف لك مدى الحب ورصيده=يعجز لساني عن الوصف وكلامي

>>> كنت أدلعها القطوة ( لا أحد يستغرب أو يضحك )

يا......... لشوفتك القلب ذايب=وده بشوفة عيونك مرة وبدون غطوة
ووده بجلسة غرام تجتمع فيها الحبايب=بس أنا وأنتي ولا أحد له علينا أي سطوة
ودي أشبع من سلامك ومن كلامك والمصايب=تنجلي إليا من ضحكت وقلت لي يازين: قوة
ودي أشبع من عيونك ومن خدودك والهبايب=تلعب بمجدولك إللي له في بحر العشق حظوة
أدري إنك لي بعيدة والأمل في الشوف غايب=وأعرف إن الألف ميل مشيها يبدأ بخطوة
وآنا لك بمشي وأسابق في المشي بيض السحايب=وإن حصل شوفك بكيفك وإلا حصلناه عنوة
ماهو بكيفك في نار الحب تحرقني اللهايب=وأنت ياخلي تفرج ولا يصيبك أي جذوة
صدق لى قالوا عذاب القلب هو عشق القرايب=خاصة(ن) لى صار عشقي ياعرب كله لقطوة

وســـــــــــــلامتكم


محمـد العـرجاني