برى الجرح ولا يا عسى الجرح ما يبرى
انا لي زمان من كذا جرح داواني
على ذمة النسيان خليت له ذكرى
ايا واحد من قو قلبه تناساني
عرفته وله قلب مثل هالزهر واطرى
وتركني و له قلب قدر فيه يجفاني
كسب في جماله يوم مر الشعر واثرى
بساتين شعري واورقت ذيك الاغصاني
ولي به جماله يوم عودت به يقرى
اثاريه يقرى الغير ما كان يقراني
لك الله يا قلب كفخ بالوفا وازرى
قلوب الوفا ما سرها غرف جنحاني
يقولون لا هب الهوا دور المذرى
وانا اقول لاهب الجفا بدل بثاني
ترى الحب يمحي الحب والعارفين ادرى
وبدل ما اتمنى خل هاللي يتمناني
قلوب البشر في هالزمن كلها خضرى
مادام العوارض سود يا كثر خلاني
وانا اللي تعبت اسمع وانا اللي تعبت اقرى
خيانات حوى شف مع فلان وافلاني
04-03-2010, 09:51 PM
برى الجرح حمد السعيد
العرض الشجري