السلام عليكم ورحمة الله وبركاته،
هذه قصيدة قلتها في عام 1990 عندما غزى جيش صدام حسين دولة الكويت الشقيقه، وفي يوم التحرير والذي قامت فيه جيوش التحالف بالدخول لتحريرها كان يوافق يوم الخميس، أتمنى أن تحوز على رضاكم جميعا.
يوم الخميس الصبح قمنا مغيرين = شجعان ما نابه نهار الطلابه
حنا أذا جات الحرايب سلاطين = وحريبنا يضرب بكل الصلابه
وحنا نهار الحرب ناتي ملبين = والخصم في الميدان يحسب حسابه
وحنا على خوض المعارك مضرين = وعدونا لا بد من دق بابه
وحنا هل السمحه على العسر واللين = وجويرنا ياويل قلب هقابه
صدام والله لو تحصنت في الصين = وألا طلعت ورحت فوق السحابه
وألا سكنت بكوريا والفلبين = وبنيت قصرك عالياتٍ قبابه
لا نلحقك وندوس رأسك مع الطين = ولابد من هدام يأخذ عقابه
أذا نعتنا سيدي لازم تبين = نضربك ضرب يحترق بك شهابه
وأن قاله الرحمن بتشوف بالعين = وش موقعك بيصير بعد المهابه
ظلمت شعبك يالردي جعلك الشين = وفي كل يومٍ طالبٍ بالحرابه
وتركتهم في الأرض مثل المساكين = وجعلت بغداد الرخا لك خرابه
يابنت ياللي باليالي تونين = عهدٍ علينا ياكويتك أيجابه
ونرد شعب شردوه الملاعين = بعزوم جيش في القاء له مهابه
ياكويت يارض العز والماقف الزين = حلفت لا ننفض تراب مشابه
ونجعل دياره ثايرات براكين = وعاداتنا نأخذ بثار القرابه
الجيش في الجبهه وحنا عضيدين = نمنع عدو الدين فيما نوابه
أنا سعودي قلتها للملاين = تعبير من قلبي على ماجرابه
ودي شهيد ولا حياة الذليلين = وألا بنصرٍ فوق يرفع كتابه
قلته وأنا من لابة للمعادين = سمٍٍ على مرٍ صعيبٍ شرابه
ياميةٍ عند اللقاء هم سعيدين = يردون حوض الموت ورد الركابه
وصلوا علي تعب في نصرة الدين = محمد شفيع الخلق هو والصحابه
وسلامتكم،
02-05-2005, 10:01 AM
العرض الشجري