قصتي والحكايه

[محمد سالم الشاعر]

بشرح وبحكي قصتي والبدايه=ابي السموحه لابدر مني قصور..
بكتب قصيده لجلها والحكايه=همن سكني قدله أيام وشهور..
يمكن يجيني ردها بكم آيه=آيات شعر ولشعر سبعت بحور..
ويمكن ألاقي عندكم لي وصايه=وجمع شتاتي اللي غدا اليوم منثور..
ومن يبخص العله ويعرف دوايه=لا تذخرونه ياهل العلم والشور..
لا شك راعي العشق ضايع وتايه=يتنا النهار وطلعت الشمس والنور..
إن قلت أحبه حيل ماهو كفايه=من شاف زوله يا عرب قال معذور..
يا زين ثغره لبتسم والثنايه=وموت كلي بنظرة عيونه الحور..
ويا زين زوله للتوى بالعبايه=وده يظهر كل ما كان مستور..
وأكبر مصيبه لا عرض للصبايه=الزين يفرضها ولو بين جمهور..
يا شوق ياللي تستلذ بشقايه=ليه الشقا لاصرت أنا فيك مجبور..
من علمك يا شوق بذ الخفايه=من يوم شفتك كلي إنسان مكسور..
هذي الحكايه وهذي هي النهايه=إن كاني أعشق أوأنا أكيد مسحور..