احسن لنا نبقى بليا مشاريع؟؟(سيل جده والرياض)

[الرهاوي]

اسمحوووا لي

احسن لنا نبقى بليا مشاريع =حرصا من الدوله على خزن الأموال

أخير من صرفا ماجاله منافيع=ولاغير النظره ولا بدل الحال

وبكره ليا شبعت بطون الطماميع=ماعاد يبقى فالخزينه ولا ريال

لابه مشاريع ولابه مواديع=والنفط قرّب ينتهي حسب الاقوال

شيا يصدع صاحي العقل تصديع=والله يستر وش تبّقى للإهمال

قبل امس في جده شكينا المواجيع=وقلنا يبي يتغير الحال فالحال

واليوم شفنا فالرياض الينابيع؟؟ّّّ=وتطايره كل الهقاوي والاامل

مافيه ناس تسمع الامر وتطيع =وتحفظ كرامه شعبها عبر الاجيال

ومافيه ناس تفهم الدرس لا ذيع =وماعاد يتكرر خطاها.. ليا..زال

ماغير تشري ذمه الخلق وتبيع=ويستر سواد قلوبها بشت وعقال

وصرنا ليا شفنا البروق اللواميع=قمنا نخايل سيلها وين ما سال؟؟!!

خوفا من الهجده بوقت المضاجيع=ويقلط لو ان الباب محكم بالاقفال

ياخادم البيتن بعض المواضيع=تثّر على شعبك من الجال للجال

بعض العرب صاروا علينا فواريع=ولاهمهم صوت الارامل والاطفال

زودا على الافساد.. سلطه و ترويع=ولحدن يحاسبهم على سو الأعمال

شدد عليهم فالبشر والمشاريع = حتى ما يتأثر.. ولانا... وينزال

مادام حنا محزمك فالمطاليع = ولازالت البيعه لنا ستر وجلال

.

.

.

.

الرهــــــــــــــــــــــاوي

.