مجاراة الشيخ : احمد صباح السالم الصباح

[المبهم]

بسم الله الرحمن الرحيم


السلام عليكم ورحمه الله وبركاته


هذه مجاراة الشيخ : احمد صباح السالم الصباح


حيث قال :

سلام يا شعب يستحق الغلا
شعب يحب الدار والدار تغليه
البلا اللي جانا مامثله بلا
ماخانا لاطفل ولا حتى سفيه
يشهد علي الله ويشهد الملا
اني احب الشعب وابغض معاديه


ولا شك اننا نبادله بنفس الشعور من احترام وتقدير ومحبه

واستأذنكم بهذه المجاراة :

1_ يامرحبا يا سيدي والفن هلا

في جناب الطيْب القرم النبيه

2_ احمد السالم ومذكور الغلا

الغلا ساسه غلا جده وابيه

3_ حْي ابوسطام يا شيخٍ علا

للمكارم والمكارم تهتويه

4_ اشٌهد المولى غلاكم والملا

قالها عامر وانتم شاهديه

5_ الولا لا ال صباح اقسم ولا

ماعليه يزود فدمانا عليه

6_ قدركم عدا الثريا منزلا

عاليٍ ولا له فناظرنا شبيه

7_ سيدي لاهنت ما قلته جلا

عن صدور اهل البلد شيٍ كريه

وسامحونا عـ القصور