آه ياقلب المعنا ترا الدنيا مقيل..الذيابه عاويه والعوى وش فادها

[ابن خرصان الشامري]

السلم عليكم ورحمة الله وبركاته
هذه الابيات للتواصل



مـات دكتــور العلــل ويش هو حال العليــل
لأبتــدت فــي خاطــره ضيقةٍ معتادهــا
آآه ياقلب المــعنّــا تـرا الــدنـــيــا مــــقــيـل
الذيابه عـاويــه والعــوى..وش فـــادهــــا؟؟
لجّت جنوب الــذيابه من عواهـا الــطــويــل
ولجّت جروحي من الهم يوم اصطادهــا
كنت احسب إن الليالي تحسّن كــل ليــل
لين شفت أعمارنا من حسب تعدادهـا
وكنت اقول إني على الهم لي عظمٍ جليل
لين شفت إن النشامى تحسّ اكبادها
لكن اللي يصبر ويــحــمل الحمـل الثــقــيل
ويحقــر مصــدر همـــومــه مـــعا ورّادهــا
ذاك تصغر في عيــونــه فعــول المستحيــل
ويرقـب العليـا ويـرقـى علـى مسـنادهـــا
فمن يجرب طعنة الرمح والسيف الصقيـــل
هانت طعون الجنابي ولــو هــو عــادهــا
ياهجوسي ثبتــيــني على الدرب الدليــل
وابعديني عن نفــوس الــردى وبــلادهــا
ويــالله إنــك لا تــفــرق خلــيلٍ عـن خليــل
لأبــتـدت في خاطـري ضـيقــةٍ معتادهــا