بسم الله الرحمن الرحيم
السلام عليكم ورحمة الله وبركاته
جبتلكم هاذي القصيده وانشالله تحوز على رضاكم
ستاذنك بسافر ايام واجيك
وان طالت ايام السفر لاتحاتي
حتى ولو طولت ماني مخليك
ياللي بدونك وش تسوى حياتي
تامر على حاجة؟؟باودعك واليك
عسى عوض الايام في المقبلاتي
حتى يدي ماودها تفارق يديك
ساكت وانا اشوف البلا في سكاتي
ماشفتني لارحت منك التفت فيك
بلاي والله روحتي والتفاتي
لكن قبل ما اروح ودي اوصيك
وانت الوحيد اللي يقدر وصاتي
لاحدا سالك وقالك وين مغليك
قله لولازم لاقضاها بياتي
وان طروا النسيان ماني بناسيك
ياراس مالي في الحياة وغناتي
وان طروا السلون ماني بساليك
طيفك معي حتى وانا في صلاتي
وقلبي وهو قلبي لامر طاريك
لولا ضلوعي كان عزوا مماتي
لو جض صدري كان يمديه ياتيك
ويبات عندك ويهنا بالمباتي
انا وقلبي والغلا ساكنن فيك
وانته وقلبك والغلا وسط ذاتي
غلاك مثل الحكم عند المماليك
اكبر طموحي... لا كل امنياتي
شف في غيابي اي حاجة تسليك
لاني بعدك اسلى مع ذكرياتي
احول اذكر اي شئ يطريك
واقول هوه سوى وانا ذي سواتي
كني موادع كل شئ حواليك
وكني حسبت حساب حزة وفاتي
احب لاني ماقدر انساك وابيك
ولا اقدر اخليك ياللي تحاتي
معنى احب.. وما اقدر انسى..واخليك
يعني بدونك ويش تسوى حياتي
11-06-2010, 01:33 PM
العرض الشجري