( مهمّـــه صعيبـــه ) !!

[سلمان بن ضيدان]

السلام عليكم ورحمة الله وبركاته

مساء الخيـــر ..!
هـ القصيده ما كنت بنزّلها .. وتم تنزيلها هنا بـ طلب من أحد الأخوان !!
ببساطه .. بعيداً عن الغـــزل .. تقبلوهااا كمــا هي :-

.
.
.
.
.

تمشّيت في شتّا الطرايق عساها دون = ( تمرّاغ حاشي ) يالله الواحد الباري
أشوف الطريده والطريده بشكل ولون = لقيت القضيه تتضح والبشر ضاري !!
مهمّه صعيبه قادها بو ثلاث اعيون=مع الشلّه اللي دينها دين الأحباري
أنا داريٍ والناس مثلي ترى يدرون=عن البايع اللي باع دينه بلا شاري
شعارات ما تنفع وهرجٍ بلا مضمون=وعود الليالي بين خاين وغداري
تجيك البضايع جاهزه داخل الكرتون=عسى راعي الكرتون يسمع للآخباري
ليا صار قصر العود بابه بلا كانون=غدا القصر ( مسرح لعبة القط والفاري ) !!
بعد كان ديّان العرب صار هو المديون=حسافه حسافه ما سمع صوت الانذاري
من الكبر أشوف العود عوّد بدون اسنون=مع السارحه والضاويه دوم ثرثاري
أنا لو أجيب العيد جبته وأنا ممنون=ولا أحدً بقايل ليه ؟ ولاّ وش الطاري
هروج اليتاما تاصلك وأنت يالملعون=تحط البلاوي في كمومك وأنا داري
بعضهم خذا المليون من ( شاعر المليون ) !!=ولو كان ماله فالقصايد والأشعاري
عليه البلاوي والقضايا تقول اديون=وما عاد ينفع لا قريبه ولا الجاري
عسى ربعنا ساداتنا بالخبر يوحون=على شان يسلم راعي الدار والداري
( دفَنت المعاني فالقصيده بليّا عون )=عن البايع اللي باع دينه بلا شاري !!
أقوله وأنا عيني على الفاتن المفتون=يدور الزمان وتنكشف كل الأسراري

دمتـــم بـ ود ..!