دمع الورق {اتمنى ان تنال اعجابكم}

[ضيّ القمر]

السلام عليكم ورحمة الله وبركاته

اخواني واخواتي الكرام
انثر بين ايديكم مشاركه جديده ارجو ان تنال اعجابكم

يـابـريـق النجم الطالـع هنـاك=السمـا تزهـا بك من بـد نجومها

يانسيـم الهبوب صافيـه سمــاك=جوهــا تبخـر بريحة يشمـومها

عقب العطش غيــثٍ يروي ضماك=القاف نهر المشـاعر دواً لجروحهـا

يفتق ستر جــرح مخفي بحمــاك=ينتثر دمع الورق تبكـيه حروفهـا

فضفـض عن هموم موجعه بحشـاك=المواقف ناس تبيـن صدق علومـها

يوم الممراره متعلقــه دوم بمحياك=خل القلم يحكي حزن سطــورها

الوله يشق القلب إذا فكـري اطراك=الشوق يتل النفس للشقـا يسوقـها

مااحد في خافقـي يـاتي حــذاك=محـد يكمل للصوره خطهاورسومها

الحياه وتجاربهـا والعلـم وذكـاك=تفسير امور صعب غيـرك يفوقـها

تبّصر الامور فهمـــها والادراك=ومن عرف سببهـا زال كل ذهولها

ابيح همي بشعري والشعــر يرفاك=حروفي يم جنابك كل مقصــودها

الله يسدد على درب السلامه خطاك=وياعسى الحزن والهم ما تدل دروبها

والضحكه ماتفارق ابد وجهك ومحياك=تغيض عداك حتى تثير عجبها وجنونها

عسـى سهوم الشقا تغـزي عـداك=النكاده شربهم والتعاسه يلبسونها

واختم بحمـدي والثنا يارب رحمـاك=يغفرلنا ويحسن العاقبــه وختومـها

والنبي اللي يوم الحشر شفيع نلقـاك=عليك مننا افضل الصلاة وسلومهـا

:::::::::::::::::::::::::::

مع تحيات اختكم \ضيّ