السلام عليكم...
السموحه تراني مبطي عنكم ومشتاقلكم...
وقلت ماني براد الا بقصيدة من شاعر لها وزن كبير في الساحه الشعرية...
انا اقول حكام العرب شخصهم محشوم
غيري يقول ان كل ابوهم حرامية
لك الحمد يا ربي لك الحمد يا قيوم
ماني من هل البيت الشريف ومن حراويه
علشان ما يقولون شوفو ذنوبه كوم
وابيه النبي وامه خديجة صحابية
دخل عبدنا مرجان قصر البطل شالوم
تفاجأ بوضع الفخفخة والرفاهية
يقول الوطن راتب حكومي وغرفة نوم
و اقول الوطن كيف اتنفس بحرية
يا بو آمنة دخنا ندور على مفهوم
يبين لنا كيف القناعات شخصية
لا صار الوطن منة بشر والوعي معدوم
افضل اكون انسان من دون جنسية
نعيق الغراب ينبأ بواقع مشؤوم
خرافات مثل الغول والداب والحية
ترى المعطي المحمود و المسرف والمذموم
تجمعهم العادة وتفرقهم النية
صدر في الولد مرسوم لا ما صدر مرسوم
ولا هزته ريح الهبوب الشمالية
لكن النصيب يصيب والخير في المقسوم
ولو كان راس المال غترة وطاقية
انا عابري خشم من اهم خمس خشوم
نباهم يشرف في البلاد العربية
اخذ لك من الابداع بيتين ولا قوم
كلام الملك ماهو كلام الفداوية
من الواقع المترهل الفاسد المهزوم
قدرت انتصر لاهل العقول الحضارية
بنيت بسما الابداع كوكب وعشر نجوم
وزرعت في قلوب الناس ساحات شعبية
على كل حال البارحة كن لذيذ النوم
دموع احتضار وجرح شلفا وجنبية
انا اللي جروحه كلها من طعون القوم
ما به جرح من فرقى ولا من محنية
عدا يوم طاحت دمعتي من قبل كم يوم
وانا اختم جوازي عند حد السعودية
ملوك الغلا تخدمك يا الفاسق المخدوم
مثل خدمه الرجال لاغلى بني اخيه
لك الغيم والريحان والورد واليشموم
واحاسيسي المتصنعة والطبيعية
لو تهز جذع النخلة لعرضك المعصوم
مع كل هزة يمكن تطيح حورية
ومع كل طيحة يمكن اموت وانا اعوم
في بحر الغلا لين اتشتت بواديه
ابا اضم كسرة عودك الفارع المزموم
وسنى وجهك اللي كنه ضو العزوبية
اشوف الزبيدي في فياض ما جاها حوم
زبيدية ما دونها الا زبيدية
وانا الله رزقني بالنعيرية اللي دوم
تسافر لها كل الفئات الخليجية
مع اي منفذ تبغي تمرها ملزوم
تختم الجواز وتوقف لكل دورية
وانا كل ما طقت براسي بدون ختوم
اسافر واربع يا فديت النعيرية
05-07-2010, 03:53 PM
العرض الشجري