مناف متهيض ن ببيوت الاشعاري=يم الشعر مسعف ن ثم زان طاروقه
يامن لقلب ن على طرد الهوى ضاري=لما نسا تل قلبه همه وشوقه
با اسباب من صار حبه في دمي جاري=في داخل عروق جسمي حبه يسوقه
البارحه ساهر ن في غبة افكاري=ماذاق جفني منام ن وده يذوقه
طرى علي من هواجيس الهوى طاري=عيني من العام من بلواه مرهوقه
لابو جعود ن تشابه وشمة الذاري=في رملة ن من ذرير الرجم مرشوقه
ابو ثما ن تشابه لول محاري=كن الرحيق المصفى سايل ن فوقه
والعين عين الوحش لا صار متواري=من المقانيص والقناص وطروقه
والخد براق ليل ن رايح ساري=ليل ن مزونه تقادح وسطه بروقه
ودي بقربه وانا ادري والله الداري=ان ودي اني دمه في داخل عروقه
غير الدهر من العمر لي عاري=كنه على غربلة عمري جعل طوقه
ماغير يا الله ياعلام ياباري=ياخالق العبد وموفيه بحقوقه
مادام الايام ولت والدهر زاري=بصبر واقول الليالي البيض ملحوقه
الين ينباج نور الفجر با اقداري=واقدر الانسان ملحوقه ومسبوقه
03-08-2010, 12:54 AM
العرض الشجري