إلى من لا يهمه الأمر {{ تحملت الجفا منك }} ..

[أسطورة حزن]

في وقت مضى .. وإن كان منذ فترة ليست ببعيدة ..
استسلمت لمشاعر فاضت بروحي ..
خالقة حزنا اعتصر قلبا ضمته الضلوع ..
أجبرتني على الخضوع والامتثال لأمرها..
وكانت هذه النتيجة ..

تحملت الجفا منـك .. وانـا مـا فينـي اتحمـل=عجزت أبكي على فراقك .. حبيبي الوضع ما ينطاق
هقيت انْ قلبي بيرضى. .فبعدك..عـادي يتقبـل!!=لقيته حاضن ضلوعي .. يذكرنـي بدفـا العنـاق
حبيبي ما وله قلبك؟؟ .. حبيبـي خافقـي يسـأل=تعبت أكذب على قلبي .. أخاف أكشف له الاوراق
أخاف أخبره انـك .. رحلـت ودربـك اتبـدل=يخليني مثل ما انتَ .. هجرت الـروح والاحـداق
حبيبي قلبي الشاقي .. تـرى لـي الحيـن متأمـل=ويِحلم ترجع لبيتك .. غلاتي مسكنـك الاعمـاق
يفز ليا طـروا اسمـك .. يصفـق يرقـص يهلـل=يبي يلمح ولو طيفـك .. يسيـر بخطوتـه سبـاق
ويفتح بابهـا عينـي .. وُوجْـهَ بفرحـه يتكلـل=يضم الشوق في جوفه .. وحبـه سـاري دفـاق
ولما طول غيابـك تعـب .. ثـم صـار يتملـل=وسكّر بابه الغالي على نفسـه ونسـى الاشـواق
وضم الحزن في صدري..وبهمومـه غـدى مكبـل=تعجب من جفا قلبك .. يعاني من قسـى خفـاق
ومن حزنه بكت عيني .. أبـد مـا كنـت أتخيـل=تبيع العشرة بتـراب.. وتبـدل رفقتـي بفـراق!!
سرقت الفرحه من روحي تركت ورودهـا تذبـل=وانا ما اشره على واحـد يخليـه الزمـن سـراق
أبيـك تكمـل بـدرب مشيتـه .. لا ولا تجهـل=بيجيلك يوم وبتاخذ من كفوف الزمان ((طـراق))
ولما تصحى من حلمـك أبيـك تحـس وتتحمـل=وتنسى انْ كنا في يومٍ حبايب .. بالأصـح عشـاق