قصيدة جابر بن عبدالله الشامري
يا محمد اترك ضايعات الدهاويل
واترك منقشت الحكي في القرابة
اترك رديين العقول المهابيل
خطوى ردين جعل يقصر شبابه
وسط المجالس غاديآ كنه الفيل
يشبه الفيلآ داشرآ وسط غابه
انا خصيمه كان كثرة لقاويل
واعرضه جوآ تطارد سرابه
نرسي كما ترسي جبال البرازيل
وانقطع بكبده طويل الطلابه
من مد لك بالمد بصاع له كيل
واللي يعاند والله اني عذابه
خوالك آل خضير ربعن مشاكيل
ياسعد منهم فزعتن له ولابه
فرسان لاركبوا على سبق الخيل
وكم ذ ود مصلاحآ خذ وه لنهابه
شوامرآ بين القبايل حلاحيل
وافعالهم تعرف نهار الحرابه
تشهد لهم طبعة ملح ماضي الجيل
وحرايبن فيها تعشى الذيابه
ربع الفريني يوم وقت المصاويل
زبن المنيع اللي نخاه ولجابه
وجدك محمد من زحول الرجاجيل
عوق الخصيم اللي تعضض بنابه
كريم سبلا في القسى يذبح الحيل
يفرح به اللي مايقوته زهابه
جدك نطيح الهرمسي واثبت القيل
يومآ على شظف وكلآ درابه
يوم المصيح ذب روس الغراميل
يزهم ضنا مرزوق من كل جابه
لعيون من يلبس جديد الخلاخيل
ثمن صياح اللي يشقق ثيابه
وردوا بني عمي عطاشآ مغاليل
ورد القطيع اللي نشوحآ شرابه
والنصر جا معهم وزانة لماثيل
وراع الخطى والزود ربي كفا به
ذا قول منهو رتل القاف ترتيل
وقوله على فعل وكلآ حكا به
وصلات ربي عد وبل الهماليل
لنشى من القبلة حقوقآ سحابه[/size
]
14-08-2010, 02:06 AM
العرض الشجري