....((((تحقيق مع عموم الاعضاء))))....

[أشهب الـلال]

..

..

..

..

..

..



سوهاب ياسوهاب موضوعنا هام

لعموم الاعضا وانت يالمشرف العام = واهل الغطاوي ..!! والغتر ..!! والطرابيش..!!

والمشرفين اللي على روس الاقسام = أبغا أجتماع ألحين من قبل لا أطيش..!

عندي (أمر) ما ابغيه يظهر للإعلام = في منتدانا بس ما أريد تشويش

اليوم (شرطي المنتدى) عنده ألزام = وقررت أسوي لكل الأعضاء تفتيش..!!

ولحدٍ يراسلني ترى خافقي صام = عن الرسايل والكتب والمطاريش

وما أقبل (الرشوه) على دين الاسلام = وممكن أمشيها إذا قلت : بخشيش

بخشيش.. ودهنة سير من ربعٍ كرام = لاجت تعاوني على لقمة العيش ..!!

(بدي أعيش) اقولها (بلهجة الشام) = وانته بعد ياصاحبي (بدك تعيش)

ونرجع على التفتيش يا كرام ياحشام = ومهوب بس تفتيش بأقول تنبيش

مطلوب أمني فاقده قد لي اعوام = وجاني خبر انه هنا بيننا يعيش

مهوب مجرم منحكم فيه الاعدام = الا كفو ماهوب يسمع الاشاويش

((سوهاب ياسوهاب موضوعنا هام)) = انا بحقق معك وانصحك لا تطيش..

في مكتبي وبنقفل الباب بإحكام = في ركننا الهادئ نحقق وبشويش

أخاف لا تدري الصحافه والاعلام = وحنا ما نبغا يابن الاجواد تشويش..!!

1/ليش انت مجرم حرف بإبداع الاقلام = وحرفك كما الفجنال عند المشاويش

2/وليش أنقطاعك من قسم شعرنا العام = لا تقول ما به شعر يروي المعاطيش

وعند الاجابه ابصم برأس الابهام = صادق على اقوالك ولا تقول لي ليش

والاسئله واجد لكن خلص ألزام = والصبح لي عوده .. فدوك الدراويش.