أغلى الصدف (( مصــــــــافحة أولى

[المعذووور]

http://www.youtube.com/watch?v=ZxdtJ...layer_embedded


أغلى الصدف صدفةٍ ويـاك تجمعنـي
من عالم الغيب رب الكـون سايقهـا

الله لا يجيـب يـوم فيـك يفجعنـي
ولا يعيدها ساعـةٍ مانـت بدقايقهـا

يا علّ يومـي قبـل يـوم يروعنـي
فيك أنت يا ساكن أفكـاري وسارقهـا

قلـي بربـك منـو عقبـك يقنعنني
والله لو أعطوني الدنيـا ومشارقهـا

إحساس قلبي على شوفتـك يدفعنـي
وخطى المشاعر تسابقني واسابقهـا

أحس بالكون لا من جيـت يتبعني
من فرحتي ترقص الغيمـة وبارقهـا

وأن غبت عني صدوف الوقت تلفعني
والهم كاتم على أنفاسـي وخافقهـا

ترى بعـادك علـى كبـدي يلوعنـي
ويلوّع أقصى عروقي مـن مدافقهـا

وعيونك النجل تسرقنـي وتخدعنـي
جذّابـة وناعسـة سبحـان خالقهـا

الحسن عيّا يروح وتشتكـي دعنـي
كالظل من ويـن ماحلّـت يلاحقهـا

دايم هواها معي وأن جعـت شبعنـي
عنقـودةٍ والدلـع كاسـي عواتقهـا

ما غيرك أحدٍ يا جارة بالحكي أعنـي
ياللي الدلع والحسـن عيّـا يفارقهـا

ياليـت قلبـك إذا ناديـت يسمعنـي
يا من سناء البرق لخدودك مصادقها

وياليتني دمعـةٍ وعينـك بتدمعنـي
أنساب عالخـد وأنفاسـك تصافقهـا

شوقي الى من نويت أبعـد يرجعنـي
عن نن عيني غصب أرجع وأوافقهـا

عيّا فوادي عـن اللوعـة يطاوعنـي
والنفس تعشـق معذبهـا وخانقهـا

من وين ماهب ريح الشوق يصفعنـي
موج يحز الكبـد بأقصـى معالقهـا

الخوف لا هاج بحر العيـن يبلعنـي
ويتوه مركب غرامـي فـي مغارقهـا

ما دري وش اللي مصبرني ويمنعني
وأنت الذي متلف أعصابي وحارقهـا

أن كان حدّك حياك .. فهم يردعنـي
نفس الحياء اللي كسى نفسك وعانقها

نسيت أقلك أحبك يووووه ...يقطعني
يا أغلى صدفة ورب الكـون سايقهـا