الشاعر سويدان الحلام شاعر قديم يهجو ابناء بهذه القصيدة بعدما عقوة .
كما يرى بعض الرواة انها للشاعر جحيش السرحااني
قال الذي يقرا بليا مكاتيب = ياللي تقرون العمى من عناكم
يا عيالي ياللي تشرفون المراقيب = تريضوا لي وأقصروا من خطاكم
خوذوا كلام الصدق ما به تكاذيب = مثل السند مضموم للي وراكم
يا عيال لاصرتم ضيوف ومعازيب = ترى الكلام الزين ملحه قراكم
تروا السبابه من كبار العذاريب = وهرج البلايس ما يطول لحاكم
المذهب الطيب فهو مذهب الطيب = والمذهب الخايب يبور نساكم
يا عيال ما سرحتكم باللواهيب = يا عيال ما عمر المعزب ولاكم
يا ما توليت القبايل تقل ذيب = من خوف لا ينقص عليكم عشاكم
وياما قطعت من الفياض العباعيب = ندور من صيد البراري غذاكم
يا عيال دوكم لحيتي كلها شيب = هذا زمان قعودنا في ذراكم
قمت أتوكا فوق عوج المصاليب = قصرت خطانا يوم طالت خطاكم
عطوني القرضه عليكم مطاليب = عطوني القرضه جزا من جزاكم
لابد يوم عاوي دوني الذيب = بالقبر ما فرق طيبكم من رداكم
مانيب فاضحكم بوسط الاجانيب = باعمالكم يدرون كل أقرباكم
لو كان تدرون الردا والمعاييب = صرتم مع المخلوق مثل آخوياكم
حوالكم بالطيب تروي المغاليب = ولو تتبعون الجد محدن شناكم
ويش علمكم يا تاركين المواجيب = حسبي عليكم هالردا وين جاكم
يالله عسى عماركم شمسها تغيب = ويعتم قمركم ثم يظلم سماكم
يعلكم في حاميات الأصاويب = ياللي على الوالد خبيث لغاكم
عسى من صفيه لوادي سلاحيب = يندا من الصبخا مدافيق ماكم
شفت الجفا والحيف والغلب والريب = بطلوعكم لابيض الله قراكم
أخسوا خسيتوا يا كبار اللغاليب = أهبوا هبيتم يقطع الله نماكم
وسلامتك
تحياااتي ابو عيد
العرض الشجري