.
تبيحني لــ / البعد يا جرحي .. ولا تشعر بخوف=وأبعد .. ومرساك الضلوع العوج .. والجسم النحيل
،.،
تطوف بيّ سود الليالي .. وأنت في قلبي تطوف=وأعرف مسار هجوسك إللي ما تكّل ولا تمِيل
،.،
أشوف وجّه الموت ... وأذكر يوم ودّعت الكفوف=على رجا رحمتك يا ربّي ... وأنا عابر سبيل
،.،
تضرب بصدري وحشة الأيام .. والفرقا دفوف=والليل قفى فجره النازح ... وليله بـــ / ألف ليل
،.،
محدٍ يرد الموت عني ... لو تحامت لي صفوف=لا دمعةٍ تشّره على خدي ... ولا صوت وعويل
،.،
في رحمة إللي منشي عظامي .. قبل لا أسمع وأشوف=أقف على بابه ... ويغريني من الرحمه دليل
،.،
أذل من ذنبي ... وترميني بعيدات الحتوف=وأستغفر الله من خطايا العمر .. والصبر القليل
،.،
ما أذكر وجيه الناس .. لو تمسي حدر جفني وقوف=نبراتهم كذب .. وملامحهم سرابٍ يستحيل
،.،
إلا أنت ... يا ( وجه الغلا .. والخير .. والصدر العطوف )=لبيّه يا ( يمّه ) صدى صوتك .. والوجه الجميل
،.،
أجيش ... ما أحسب خطوة أقدامي كما الطفل الشغوف=وألقى يدينك دفوة الأيمان .. والظل الظليل
،.،
ضاقت بي الدنيا ... ولا سوابيّ الوقت إمعروف=وأتعبت نفسي لين ملّتني ... ولا بالحيل حيل
،.،
لا تنشدين الجرح يا يمّه ... وجمره ما يروف=مثلي ليا من قيل له .. " وش فيك ؟ " .. عبراته إتسيل
،.،
أسكت .... ولو إن السكوت أحيان ما يبري الشفوف=وأنزف كلامي في فمّي ( جرح .. ومسافات .. ورحيل )
،.،
تبقى مراقيب ( السهر ) دربي ... عسى الجرح إمخلوف=ما معك ( يــ / ليّل التعب ) راحه ... ولا عنّك بديل .!!
.
العرض الشجري