قصيدة بمناسبة قدوم الصيفية
للشاعر ناصر تراحيب العتيبي
وهي تعبر عن نفسها
حل وقت الصيف مع بدء الاجازه =واكثر السياح بأسفـاره يجاكـر
كل واحد راحلٍ يحمـل جـوازه =والحقايـب والدراهـم والتذاكـر
يم دارٍ لا .. ديانه ..لا ..منازه= شعبها دينه ردي محتـال ماكـر
يا عذولي والسفر ما فيه عـازه= كف نصحك والك انا مقدر وشاكر
والله ان تراب حايـل والمحـازه= عندي أغلى من جنيف أم المناكر
موطني يافخر رأسي وأعتـزازه= لجميلك لا حشـا مانيـب ناكـر
بك نشيت ومنك حاجز لي ركازه =وفي ولائي ياوطن لا زلت أذاكر
صيفك الخلاب كل السحر حـازه =كان هب الجو والا الجو ساكـر
الطبيعه حسنها نلـت أمتيـازه =الهبايب بـارده والغيـم حاكـر
والسحاب يشوق برقه وارتكـازه= والندى فوق الورود الصبح واكر
الخفوق يبيـن للزيـن انحيـازه= سجلوها اليوم حالاً قبـل باكـر
كن عقلي عندما أعطـى إيعـازه= ضابطٍ مقدام وهجوسي عساكـر
ولكم تحياتي
العرض الشجري