قصيده راثعه..وآفــز كني قاقد لي شي,, وآمس شنـبي

[فلاح بن ملبز]

السلام عليكم ورحمه لله وبركاته

هذي قصيده غزليه جاتني عند طريق البلوتوث وانا عند اشاره واستقبلتها واعجبتني
القصيده ولدرجه اني صارلي مده ابي اعرف الشاعر هو اكيد يامي بس افيدوني اذا احد
يعرف اسم صاحب القصيده؟؟

الجــادل اللي شفتها بعدانقطاع دام عام=جتني وكنها من لهيب الشوق تحبي لي حبي

يوم اقبلت قلت اسمحيلي اوقف بكل احترام=وادي اكحل ناظري واشفي من الشوف تعبي

يالـعن ابو الاشـواق,,يالبيه,,ياســلام =إلا فديت كفوفك اللي ماسكه في منكبي

وش ذنب عيني في رجى لاماك تسهر ماتنام=وش ذنب قلبي يوم قطعتيه ياشبيه الضبي

وش فايدة قصر بنيته داخل ضلوع حيـام=وش فايدة عمر عطيتك ماتحقق مطلبي

قالت عاصني حظي اللي طاح ثم مازاد قام=والشوق شاهد والظروف وقسوة الايام بي

لاتحسب اني يوم جيتك ناقصه هرج وملام=جيتك ابيك تلمني من هامتي لين كعبي

تكفى!وانا لى قلت تكفى,,عارفه تاريخ يام=انهم اهل الفزعات واني ذاخره منهم صبي

قلت ارحموني من هوسها لا عثى فيه الظلام=إلا على صـدري تحدي كل هـمك والعـبي

مادام هذا مطلبك(ياويل حالي).(ياحرام)=ولا على طاري التوجد(ياسبي حالي سبي)

ماقطع كبود العطاشا كود مرواح الغمام=والحين يوم الله جابك هاتي اشرب واشربي

كم سريت آخايل البراق في ليل العتام=وارجع من الياس مغلوب وشايل ضيم ركبي

زلي على ماطاك وانسي من تناهيت الغرام=همك جلا دامك وزيتي (وارحبي ثم ارحبي)

قالت انا لك وانت لي والعالم الباقي حطام=هذي انا مابين يديك,,آمر تدلل وشتبي؟

قلت اشهد ان الشوق فاضح لا رحم جد الهيام=وانتي على ماقالوا العشاق (طبي وسببي)

ولا وعيت على صـوت الإقـامه والإمــام=وآفــز كني قاقد لي شي,, وآمس شنـبي

واثر الحكايه كلهيا أطياف حلم في منام=واثر العشيقه عند اهلها,,وانا عند امي وابي